ព័ត៌មានកីឡា

Mourinho ៖ ខ្ញុំ​សោកស្ដាយ​ដែល Van Gaal ​លក់ Di Maria , Welbeck ​និង Chicharito

លោក Jose Mourinho ​អះអាង​ថា​លោក Louis van Gaal ​បាន​បង្កើត​កំហុស​ធំ​មួយ​ដែល​សម្រេច​ចិត្ត​លក់​ Angel Di Maria, Javier Hernandez ​និង​ Danny Welbeck ​ចេញ ​អំឡុង​ពេល​នៅ​ដឹក​នាំ​ក្រុម Manchester United ។

Mourinho ​កំពុង​តែ​ដឹក​នាំ​ក្រុម Man Utd ​បាន​ពាក់​កណ្ដាល​រដូវ​កាល​ហើយ ​ក្រោយ​ពី​ក្លឹប​សម្រេច​ចិត្ត​ដេញ​លោក Van Gaal ​ចេញ​កាល​ពី​ឆ្នាំ​មុន​នោះ។ យ៉ាងណាមិញ ​អ្នក​ចាត់ការ​រូប​នេះ​បាន​រំលឹក​ថា​លោក​មិន​ឃើញ​ពី​សមត្ថភាព​កីឡាករ​ល្អ​ៗ​ច្រើន​នៅ​ក្រោម​ការ​ដឹក​នាំ​របស់​ Van Gaal ​ប៉ុន្តែ​សោកស្ដាយ​ដែល​បុរស​ម្នាក់​នេះ​សម្រេច​ចិត្ត​លក់​កីឡាករ​ចេញ​អស់។

“ខ្ញុំ​បាន​រក​ឃើញ​ក្លឹប​ពិបាក​ចិត្ត​មួយ។ United ​បាន​លក់​កីឡាករ​ដែល​ខ្ញុំ​មិន​ចង់​ឱ្យ​ចាកចេញ​នោះ​ទេ ហើយ​ទៅ​ទិញ​កីឡាករ​ដែល​ខ្ញុំ​មិន​ចង់​ឃើញ​ទៅ​វិញ។ បើ​ខ្ញុំ​ជា​អ្នក​ចាត់ការ​នៅ Man Utd ​គ្រា​នោះ​វិញ ​ខ្ញុំ​មិន​លក់ Di Maria, Hernandez ​និង​ Danny ​ទេ។ គឺ​មិន​អាច​ជា​ដាច់​ខាត”។

អ្នក​ចាត់ការ​សញ្ជាតិ​ព័រទុយហ្គាល់​ខាង​លើ​បាន​បន្ថែម​ទៀត​ថា ​លោក​សុំ​ឱ្យ​អ្នក​គាំទ្រ​បំភ្លេច​រឿង​ដែល​ចង់​ឱ្យ​ក្លឹប​ខ្លាំង​ដូច​កាល​ជំនាន់​លោក Sir Alex ​នោះ​ទៅ ត្បិត​អី​នៅ​គ្រា​នោះ​ Sir Alex ​ដឹក​នាំ​ក្រុម​អស់​រយ:​ពេល​ជា​ច្រើន​ឆ្នាំ ​មិន​មែន​ចូល​មក​ជោគជ័យ​នោះ​ទេ។ ការ​ប្រៀបធៀប​គ្នា​បែប​នេះ នឹង​ធ្វើ​ឱ្យ​អ្នក​ដឹក​នាំ​ថ្មី​ៗ ​គ្មាន​ឱកាស​បាន​ជោគជ័យ​នោះ​ទេ៕

មតិយោបល់