Conor McGregor បានប្រកាសហើយថារូបគេនឹងឡើងសង្វៀនប្រកួតជាមួយកីឡាករ Floyd Mayweather នៅសង្វៀន T-Mobile Arena ទីក្រុង Las Vegas ថ្ងៃទី១០ ខែមិថុនា ឆ្នាំ២០១៧នេះ។ នេះបើតាមសារព័ត៌មាន FloCambat បានឲ្យដឹង។
ដោយមុនការប្រកួតឈានចូលមកដល់នេះដែរ McGregor បានបោះពាក្យយ៉ាងខ្លីទៅ Floyd ថារូបគេនឹងបញ្ឈប់កំណត់ត្រាមិនចាញ់របស់កីឡាករអាមេរិករូបនេះ ហើយឱ្យរូបគេលេបពាក្យសម្ដីដែលតែងតែនិយាយឌឺដងដាក់គេឯងនោះទៀត។ ដោយទោះជាការប្រកួតមិនមែនជាលក្ខណ:វាយក្នុងទ្រុងក៏ដោយ ក៏ជើងខ្លាំង UFC រូបនេះ អាចចូលប្រកួតនិងយកជ័យជម្នះបានដែរ។
Floyd ចូលនិវត្តន៍អស់ប៉ុន្មានឆ្នាំមកហើយ ដោយរូបគេនិយាយថាមិនឡើងសង្វៀនជាថ្មីម្ដងទៀតទេ បើជាមានកីឡាករខ្លាំងៗជាច្រើនចង់ប្រកួតជាមួយខ្លួនក៏ដោយ។ តែយ៉ាងណាមិញ ក្រោយពី McGregor ឌឺដងខ្លាំងពេកស្ទើរតែរាល់ថ្ងៃនោះ ទើបកីឡាករមិនដែលចាញ់រូបនេះពិចារណាឡើងប្រកួតជាថ្មី ក្នុងរង្វង់ទឹកប្រាក់ប្រមាណជា១០០លានដុល្លារអាមេរិក៕
មតិយោបល់