បើតាម telegraph បានបញ្ជាក់លោក Arsene Wenger កំពុងតែត្រៀមខ្លួនដើម្បីបន្ដកុងត្រាជាមួយក្លឹប Arsenal រយ:ពេល២ឆ្នាំទៀត បើទោះបីជាមានអ្នកគាំទ្រជាច្រើនកំពុងតែមិនពេញចិត្តក៏ដោយ។
Wenger ត្រូវអ្នកគាំទ្រ Arsenal អាក់អន់ចិត្តជាខ្លាំង ក្រោយពីដឹកនាំក្រុមមិនបានល្អធ្លាក់ចេញពីពានរង្វាន់ UEFA Champions League ប៉ុន្មានឆ្នាំជាប់គ្នានៅវគ្គ១៦ក្រុម និងធ្លាក់ចេញពីការប្រកួតប្រជែងយកពានរង្វាន់ Premier League ទៀតនោះ។ យ៉ាងណាមិញ មិនត្រឹមតែមិនពេញចិត្តនោះទេ ពួកគេក៏បានព្យាយាមធ្វើគ្រប់យ៉ាងដើម្បីឱ្យប្រធានក្លឹបកាំភ្លើងធំបណ្ដេញអ្នកចាត់ការសញ្ជាតិបារាំងរូបនេះចេញផងដែរ បើទោះជាដឹកនាំក្រុមអស់រយ:ពេលជាយូរមកហើយក៏ដោយ។
តែទោះជាយ៉ាងនេះក្ដី អ្វីគ្រប់យ៉ាងដែលអ្នកគាំទ្រចង់បាននោះ បែរជាផ្ទុយគ្នាទៅវិញ ដោយលោក Wenger មិនចង់ចេញទៅណានោះទេ។ លោកបញ្ជាក់នឹងនៅបន្ដជាមួយក្លឹប Arsenal ទៀត ហើយក៏ត្រៀមនឹងបន្ដកុងត្រាជាមួយក្លឹបក្នុងរយ:ពេល២ឆ្នាំទៀតផងដែរ។
សូមបញ្ជាក់ថាក្រោយពីមានដំណឹងអាក្រក់មួយរយ:មកនេះ មានការអះអាងជាច្រើនបានចេញបញ្ជាក់ថាក្លឹប Arsenal អាចនឹងយកលោក Thomas Tuchel អ្នកចាត់ការក្រុម Dortmund មកជំនួស។ ដោយឡែកក្រោយពីធ្លាយដំណឹងបន្ដកុងត្រាខាងលើហើយ នោះការចង់បាន Thomas មកដឹកនោះ ក៏ប្រហែលជារលាយតាមហ្នឹងដែរ ព្រោះ Wenger ចង់ដឹកនាំបន្ដទៀត៕
មតិយោបល់