ក្រុមបាល់ទាត់តារាប្រចាំលីគកំពូលកម្ពុជា ( Cambodian All Star ) បានឈ្នះពានរង្វាន់ក្រុមកីឡាឆ្នើមប្រចាំឆ្នាំ ខណៈលោក ប្រាក់ សុវណ្ណរ៉ា ជាប់ជាគ្រូឆ្នើមប្រចាំឆ្នាំ ពីកម្មវិធីប្រគល់រង្វាន់កីឡារបស់គណៈកម្មការជាតិអូឡាំពិក។
តាមការប្រកាសមុននេះ នៅសណ្ឋាគារ Nagaworld ក្រុម Cambodian All Star ដែលមានសកម្មភាពតែមួយប្រកួតគត់ក្នុងឆ្នាំ២០១៦ ពេលស្មើ Morroco All Star ១-១ បានជាប់ជាក្រុមឆ្នើម។ ចំណែកអតីតគ្រូដឹកនាំបឹងកេតឈ្នះពានលីគកំពូលកម្ពុជា ប្រាក់ សុវណ្ណរ៉ា ត្រូវបានបោះឆ្នោតជាប់ជាគ្រូបង្វឹកឆ្នើម។
ពានរង្វាន់ផ្សេងទៀត៖
- កីឡាករឆ្នើម សុខ ចាន់មាន ( ប៉េតង់ )
- កីឡាការិនីឆ្នើម ស៊ន សៀវម៉ី ( តេក្វាន់ដូ )
- កីឡាករជនពិការឆ្នើម ជីម ផានើ ( រត់ប្រណាំង )
- កីឡាការិនីជនពិការឆ្នើម សៅ ធីតា ( រត់ប្រណាំង )
- កីឡាប្រពៃណី ទ្រី សុថាវី ( ល្បុក្កតោ )
- ព្រឹទ្ធាចារ្យកីឡា ហុក ឈៀងគីម
- រូបថតកីឡាករល្អបំផុត គង់ ហន ( ទូរទស្សន៍បាយ័ន )
មតិយោបល់