Post News Media ព័ត៌មានកីឡា Pepe ​ប្ដូរ​ច...

Pepe ​ប្ដូរ​ចិត្ត​ពីចិន ​ដោយ​អាច​​ទៅលេងនៅ​អង់គ្លេស​ឬ​បារាំង​វិញ

ខ្សែ​ការពារ Pepe ​នឹង​ត្រូវ​ចាកចេញ​ពី​ក្រុម Real Madrid ​នៅ​រដូវ​ក្ដៅ​ខាង​មុខ​នេះ​ហើយ ​ដោយ​កាល​ពី​លើក​មុន​រូបគេ​បាន​បញ្ជាក់​ថា​អាច​នឹង​ទៅ​លេង​ឱ្យ​ក្លឹប Hebei Fortune ​ក្នុង​លីគ​កំពូល​របស់​ប្រទស​ចិន។

យ៉ាងណាមិញ ​ពេល​នេះ​កីឡាករ​ដើម​កំណើត​ព័រទុយហ្គាល់​ខាង​លើ​បាន​ធ្វើ​ការ​សម្រេច​ចិត្ត​ជា​ថ្មី​ម្ដង​ទៀត​ហើយ។ ​ដោយ​រូបគេ​បាន​បញ្ជាក់​ថា​អាច​នឹង​ផ្លាស់​ទៅ​លេង​នៅ​លីគ​កំពូល​អង់គ្លេស ​ឬ​បារាំង​ជាមួយ​ក្រុម PSG ​វិញ ​មិន​ទៅ​លេង​នៅ​លីគ​ចិន​នោះ​ទេ។ ដោយ​ការ​សម្រេច​ចិត្ត​ផ្លាស់ប្ដូរ​គោល​ដៅ​នេះ​ដែរ គឺ​ក្រោយ​ពី​មាន​ការ​លើក​ទឹក​ចិត្ត​ពី​លោក Fernando Santos ​គ្រូ​បង្វឹក​របស់​ក្រុម​ជម្រើស​ជាតិ​ព័រទុយហ្គាល់​ផ្ទាល់។

លោក Santos ​បាន​បង្ហើប​ថា​លោក​ចង់​ឃើញ Pepe ​លេង​នៅ​លីគ​ក្នុង​តំបន់​អឺរ៉ុប​ជា​ជាង​លេង​នៅ​អាស៊ី។ ការ​យល់​ឃើញ​ដូច្នេះ ​គឺ​បណ្ដាល​មក​ពី​លោក​មើល​ឃើញ​ថា​សមត្ថភាព​របស់​ខ្សែ​ការពារ​រូប​នេះ​នៅ​មាន​នៅ​ឡើយ ​បើ​បាន​លេង​នៅ​លីគ​ក្នុង​តំបន់​អឺរ៉ុប រូបគេ​មាន​ឱកាស​ច្រើន​ក្នុង​ការ​លេង​នៅ​ជម្រើស​ជាតិ​ព័រទុយហ្គាល់​ជាង។

ដោយសារ​តែ​ហេតុផល​ដូច្នេះ​ហើយ ​ទើប​បាន​ជា​ធ្វើ​ឱ្យ​ខ្សែ​ការពារ​វ័យ​៣៤​ឆ្នាំ​ខាង​លើ​ចង់​ផ្លាស់​ប្ដូរ​គោលដៅ​ក្រោយ​ពី​ចេញ​ពី Real Madrid ​ទៅ​លេង​នៅ​លីគ​នា​តំបន់​អឺរ៉ុប​វិញ ​ដើម្បី​បាន​ឱកាស​ចូល​លេង​ក្នុង​ជម្រើស​ជាតិ​ព័រទុយហ្គាល់​បន្ដ​ទៀត៕

Loading...