តាមរយៈសេចក្តីថ្លែងការណ៍របស់ក្រុមមាន់ខ្នាយមាស Tottenham Hotspur បានឲ្យដឹងថា​ គ្រូបង្វឹក U-23 លោក Ugo Ehiogu វ័យ ៤៤ឆ្នាំ បានគាំងបេះដូងស្លាប់ កាលពីម្សិលមិញ។

វាគឺជារឿងដ៏សោកស្តាយបំផុត សម្រាប់ក្លឹប បន្ទាប់ពីមានការស្លាប់គ្រូបង្វឹកបែបនេះ គួរបញ្ជាក់ផងដែរថា​ លោក Ugo Ehiogu បានគាំងបេះដូងនៅលើទីលាន ខណៈដែលគាត់កំពុងធ្វើការហ្វឹកហាត់កូនក្រុមរបស់គាត់។ លោក Ugo Ehiogu គឺជាអតីតខ្សែការពាររបស់ក្រុមជម្រើសជាតិអង់គ្លេស ហើយគាត់ធ្លាប់បានលេងឲ្យក្រុមនៅ​ Premier League មួយចំនួនដូចជា Aston Villa, West Brom និង Middlebrough​ មុននឹងមកធ្វើជាគ្រូបង្វឹក U-23​ របស់ក្រុម Spurs៕