បន្ទាប់ពីក្រុមតោខៀវ Chelsea បានឡើងទៅឈរចាំនៅវគ្គផ្តាច់ព្រ័ត្រ ក្រោយពីឈ្នះ Spurs កាលពីយប់មិញនេះ Arsenal និង Manchster City នឹងត្រូវប្រកួតដើម្បីយកកៅអីទៅវគ្គផ្តាច់ព្រ័ត្រ FA Cup។

ក្រុមកាំភ្លើងធំ Arsenal និងត្រូវជួបប្រកួតជាមួយក្រុមមេឃខៀវ Manchester City ដើម្បីធានាថា ក្រុមណាមួយនឹងឡើងទៅជួបក្រុមតោខៀវ Chelsea នៅវគ្គផ្តាច់ព្រ័ត្រ។ Arsenal កំពុងតែត្រដាបត្រដួសនៅ Premier League ខណៈដែលពួកគេកំពុងតែមិនប្រាកដតំណែងក្រុមកំពូលតារាងទាំងបួន។ ចំណែក Manchester City វិញ ក៏មិនទាន់សុវត្ថិភាព ចំពោះតំណែងកំពូលតារាងទាំងបួនដែរ ដោយត្រូវប្រជែងជាមួយ Liverpool និង ​Man Utd។

ដូច្នេះហើយ នៅយប់នេះវេលាម៉ោង ៩យប់ ក្រុមទាំងពីរនឹងធ្វើការកាត់សេចក្តីថា Arsenal ឬ Manchester City ជាអ្នកឡើងទៅវគ្គផ្តាច់ព្រ័ត្រ FA Cup៕