ពិតជាអស្ចារ្យណាស់Ronaldo រកបាន៣គ្រាប់ឲ្យ Real Madrid ឈ្នះ Atletico Madrid
ក្រុមអធិរាជស Real Madridបានកក់ក្តៅនៅក្នុងការប្រកួតជើងទី១ UEFA Champion League វគ្គពាក់កណ្តាលផ្តាច់ព្រ័ត្រ បន្ទាប់ពីការស៊ុតបញ្ចូលទី ៣គ្រាប់ម្នាក់ឯងរបស់កំពូលកីឡាករលំដាប់ពិភពលោក Cristiano Ronaldo។

Ronaldo កាន់តែបង្ហាញនូវសមត្ថភាពយ៉ាងអស្ចារ្យ ក្នុងការប្រកួតជាមួយ Atletico Madrid យប់មិញនេះ ដោយអាចស៊ុតបញ្ចូលទីបាន៣គ្រាប់ម្នាក់ឯងឲ្យក្រុម Real Madrid យកឈ្នះ Atletico Madrid (៣-០)។

៣ គ្រាប់របស់ Ronaldo រកបាននៅនាទីទី ១០, ៧៣ និង ៨៥ ដែលវាបានក្លាយជាគ្រាប់បាល់ជ័យជំនះយ៉ាងអស្ចារ្យសម្រាប់ Real Madrid។

ដូច្នេះហើយ Ronaldo សរុបគ្រាប់បាល់ស៊ុតបញ្ចូលទីនៅ Champion League កីឡាករវ័យចំណាស់ពោរពេញដោយទេពកោសល្យរូបនេះ រកបាន ១០គ្រាប់ហើយ ដែលកំពុងតាមពីក្រោយ Lionel Messi មាន១១គ្រាប់។

នៅសប្តាហ៍ក្រោយ Real Madrid នឹងធ្វើដំណើរទៅកាន់ទឹកដីរបស់ក្រុម Atletico Madrid វិញ ខណៈពេលដែល Real Madrid មាន៣គ្រាប់ក្នុងដៃស្រាប់៕