ខ្សែប្រយុទ្ធវ័យចំណាស់របស់ក្រុម ចចក Roma វ័យ៤០ឆ្នាំ Francesco Totti បានសម្រេចចិត្តចូលនិវត្តន៍ ពីអាជីពបាល់ទាត់ នៅចប់រដូវកាលនេះ។
កីឡាករដែលបានចូលរួមចំណែកជួយក្រុមជម្រើសជាតិអ៊ីតាលី ឲ្យឈ្នះពាន World Cup នៅឆ្នាំ២០០៦ Francesco Totti បានដល់ពេលវេលាដែលគាត់ត្រូវចាកចេញពីពិភពបាល់ទាត់ហើយ។ Totti គឺជាកីឡាករដ៏ល្បីល្បាញមួយរូប នៅក្នុងពិភពបាល់ទាត់ ដោយកីឡាកររូបនេះ បានសាងស្នាដៃជាច្រើនឲ្យក្រុមជម្រើសជាតិ និង Roma។
Totti បានចំណាយពេលវេលានៅជាមួយក្រុម Roma អស់រយ:ពេល ២៤ឆ្នាំមកហើយ ដោយធ្លាប់បង្ហាញខ្លួន គ្រប់កម្មវិធីឲ្យ Roma បានចំនួន ៧៨៣ប្រកួត ស៊ុតបញ្ចូលទីបាន ៣០៧គ្រាប់។ Francesco Totti នឹងត្រូវបង្ហាញវត្តមានចុងក្រោយឲ្យក្រុម Roma នៅក្នុងការប្រកួតជាមួយក្រុម Geona នៅថ្ងៃទី ២៨ឧសភាខាងមុខនេះ។
គួរបញ្ជាក់ផងដែរថា Totti ធ្លាប់បានឈ្នះ World Cup នៅឆ្នាំ ២០០៦ ជាមួយក្រុមជម្រើសជាតិអ៊ីតាលី និងនៅ Roma ធ្លាប់ឈ្នះពាន Serie A ១ដង និង Coppa Italias ចំនួន២។ សម្រាប់អ្នកគាំទ្រ Roma វិញបានចាត់ទុក Totti គឺជាវិរ:បុរសរបស់ក្រុម Roma៕
មតិយោបល់