ក្រុមយុវជនភ្នំពេញក្រោនអាយុក្រោម ១៦ឆ្នាំ នឹងត្រូវប្រកួតមិត្តភាពកម្តៅសាច់ដុំជាមួយ ក្រុមយុវជនជម្រើសជាតិកម្ពុជាអាយុក្រោម ១៥ឆ្នាំ នៅទីលានហ្វឹកហាត់នៃកីឡដ្ឋាន RSN នាវេលាម៉ោង ៩និង៣០នាទីព្រឹក ថ្ងៃសៅរ៍​ ទី​ ១៣​ ខែឧសភា ស្អែកនេះ ។

ការប្រកួតកម្តៅសាច់ដុំនេះ សម្រាប់ក្រុមយុវជនជម្រើសជាតិកម្ពុជាអាយុក្រោម ១៥ឆ្នាំ កំពុងស្ថិតក្នុងដំណាក់កាលប្រមូលផ្តុំធ្វើតេស្តសមត្ថភាពដើម្បីត្រៀមខ្លួនចូលរួមការប្រកួតក្នុងព្រឹត្តិការណ៍ AFF U-15 Championships ដែលនឹងប្រារព្ធធ្វើឡើងនៅក្នុងប្រទេសថៃ នាខែ កក្កដា ខាងមុខនេះ ។

ចំពោះការប្រកួតនេះអ្នកគាំទ្រ ក៏ដូចជាទស្សនិកជនទាំងអស់អាចទស្សនាបានដោយសេរី៕