តោខៀវ Chelsea បានសម្រេចនូវសុបិនរបស់ពួកគេ ក្នុងការឈ្នះពានរង្វាន់ Premire League ក្រោយពីយកឈ្នះ West Brom ១-០​ កាលពីយប់មិញនេះ។

ថ្វីបើ ការប្រកួតនៅសល់ ២ប្រកួតទៀត តែក្រុម Chelsea បានក្លាយជាម្ចាស់ជើងឯក Premire League​​​ ក្រោយពីមានពិន្ទុដាច់ក្រុមឈរលេខ២ Tottenham ​ចំនួន ១០ពិន្ទុ ទោះ​សល់១ប្រកួតទៀតក៍ដោយ។ នេះគឺជាលើកទី ៦ហើយសម្រាប់តោខៀវ Chelsea ដែលបានឈ្នះពាន Premire League ក្នុងប្រវត្តិសាស្ត្ររបស់ក្លឹប។

ក៍ប៉ុន្តែ វាគឺជាពានរង្វាន់ដំបូងក្រោមការដឹកនាំរបស់គ្រូបង្វឹកសញ្ជាតិអ៊ីតាលីលោក​ Antonie Conte ក្នុងការដឹកនាំរដូវកាលដំបូងរបស់គាត់។ Chelsea នឹងបង្កើតនូវរដូវកាល១ ដ៍អស្ចារ្យប្រសិនបើពួកគេអាចឈ្នះពាន FA Cup​ ១ទៀតដែលនឹងប្រកួតនៅថ្ងៃទី ២៧​ ឧសភា ខាងមុខនេះ។

ការគ្រងជើងឯក Premire League រដូវកាលនេះ​ នឹងធ្វើឲ្យ Chelsea មានកម្លាំងចលករយ៉ាងខ្លាំង ក្នុងការប្រជែងពាន FA Cup ជាមួយ Arsenal ខណះ Chelsea កំពុងតែពុះកញ្ជ្រោលយ៉ាងខ្លំងក្នុងការឈ្នះពាននេះ។