ក្លិបបាល់ទាត់អាសុីអឺរ៉ុបយូណាយធីត កំពុងតែធ្វើតេស្តសមត្ថភាពកីឡាករបរទេសចំនួន ៥ រូប ដោយសារតែការប្រកួតមិត្តភាពជាមួយក្លិប ក្រសួងការពារជាតិ ត្រូវបានផ្អាកដោយមូលហេតុទីលានលិចទឹក មិនអាចមើលសមត្ថភាពបាន ដូច្នេះកីឡាករដែលត្រូវធ្វើតេស្ត អត់ទាន់ជ្រើសរើសបាននៅឡើយទេ។

គ្រូបង្វឹកលោក សុក វាសនា បានប្រាប់ឲ្យដឹងថា៖ « កីឡាករដែលកំពុងហ្វឹកហាត់គ្រាន់តែនៅក្នុងដំណាក់កាលធ្វើតេស្តប៉ុណ្ណោះ យើងត្រូវការកីឡាករបរទេសដែលមានបទពីសោធន៍ស្រាប់ អញ្ចឹងពួកគាត់ជាជម្រើសទី២ បើសិនជាទីផ្សាដោះដូរកីឡាករត្រូវបិទ យើងនិងយក ២ នាក់ ក្នុងចំនោម ៥​ នាក់នេះ »។ នេះបើតាមក្រុមការងារសាកសួរនៅកីឡដ្ឋានស្តាតចាស់ កាលពីម្សិលមិញ។

សូមបញ្ជាក់ថា កីឡាករបរទេសដែលមានបទពីសោធន៍ស្រាប់ដែលក្លិបកំពុងសម្លឹងមើលគឺមាន ក្នុងក្រុម​ បឹងកេត ម្នាក់ និងនៅក្នុងក្រុម ខេមបូឌានថាយហ្គឺរ ម្នាក់ ៕

ខាងក្រោមនេះជារូបភាពខ្លះៗពីការធ្វើតេស្តនៅកីឡដ្ឋានស្តាតចាស់៖