Ronaldo និង Benzema រកបានម្នាក់ ១ គ្រាប់ ដ៍សំខាន់បំផុតក្នុងការនាំឲ្យក្រុមអធិរាជស Real Madrid ដណ្តើមបានមកវិញ នូវពានរង្វាន់ Laliga ដែលពួកគេខកខាន ឈ្នះអស់រយ:ពេល ៥ ឆ្នាំកន្កមកហើយ។

ជ័យជម្នះ ២-០ លើក្រុមម្ចាស់ផ្ទះ Malaga ល្មមឲ្យក្រុម Real Madrid ក្លាយជាជើងឯក Laliga រដូវកាលនេះ។ នេះគឺជាពានដំបូងក្នុងរដូវកាលនេះ​​ ដែល Real Madrid ទទួលបាន និងជាពានរង្វាន់ដែលក្រុមយក្សមួយនេះខកខាន ៥ ឆ្នាំកន្លងមកហើយ។​ Ronaldo និង Benzema បានក្លាយជាតួឯកក្នុងការនាំជ័យជម្នះដល់ក្លិបផងដែរ។

សរុបមក ក្រុមយក្ស Real Madrid បានឈ្នះពាន Laliga ជាលើកទី ៣៣ ហើយ ខណះក្រុមមួយនេះ នៅសល់ពានរង្វាន់ UEFA Champion League មួយទៀតដែលត្រូវប្រជែងជាមួយនឹងក្រុមជើងឯកអ៊ីតាលី Juventus។

Real Madrid នឹងមិនបោះបង់ឱកាសរបស់ពួកគេឡើយ ព្រោះថាមហិច្ចតារបស់ក្រុមយក្សអេស្ប៉ាញមួយនេះ ចង់ឈ្នះ Champion League បន្តទៀត។ ក៍ប៉ុន្តែ Real Madrid ក៍មិនគួរមើលរំលង Juventus ឡើយខណះក្រុមអ៊ីតាលីមួយនេះ បានឈ្នះពាន ២ ផ្សេងៗគ្នា នៅអ៊ីតាលីរដូវកាលនេះ។