បន្ទាប់ពីលើកពាន Coppa Italian Cup កាលពីប៉ុន្មានថ្ងៃមុន Juventus បានបន្តឈ្នះពាន Italian Serie A បន្ថែមទៀត។

ជ័យជំនះ ៣-០ លើក្រុម Crotone គឺជាការបន្ថែមនូវពានរង្វាន់ ១ ទៀតសម្រាប់ Juventus បន្ទាប់ពី Coppa Italian Cup។ សេះបង្កង់កំពុងតែលេងឡើងជើងមែនទែន ខណះការប្រកួតផ្តាច់ព្រ័ត្រ UEFA Champion League ជាមួយក្រុម Real Madrid ខិតជិតមកដល់។ នេះគឺជាការឈ្នះពាន ៦ រដូវកាលជាប់គ្នា ហើយ សម្រាប់ Juventus ដែលកម្រនឹងមានក្រុមណាមួយអាចធ្វើដូចបានឡើយ។​

៣ គ្រាប់របស់ Juventus រកបានដោយ Mandzukic នៅនាទីទី ១២, Dybala នៅនាទីទី ៣៩ និង Sandro នៅនាទីទី ៨៣។ ហើយវាក៍ជាជ័យជម្នះ សម្រាប់ការគ្រប់គ្រងតំណែងជើងឯករបស់ Italian Serie A ៦រដូវកាលជាប់ៗគ្នាផងដែរ ខណះពួកគេ នៅសល់ការប្រកួតចុងក្រោយបន្តទៀតដើម្បីបញ្ចប់យុទ្ធនាការណ៍ Italian Serie A រដូវកាល ២០១៦-២០១៧។

យ៉ាងណាវិញ Juventus នៅមិនទាន់អស់ការប្រកួតដណ្តើមយកពានឡើយ ព្រោះពួកគេ នៅមានការប្រកួតដ៍សំខាន់ក្នុងវគ្គផ្តាច់ព្រ័ត្រ Champion League ជាមួយ Real Madrid នៅថ្ងៃទី ៣ មិថុនា ខាងមុខនេះ។ Champion League គឺជាសុបិនដ៍ធំរបស់ក្រុម ក៍ដូចជាកីឡាករ Juventus ទាំងអស់ដែលចង់ឈ្នះពាននេះ។