ក្រុមជើងខ្លាំង Benfica បានតាមស្មើកំណាត់ត្រារបស់ក្រុម Porto ក្នុងការលើកពាន លីគកំពូលរបស់ព័រទុយហ្គាល់ ៤ រដូវកាលជាប់ៗគ្នា។

នេះគឺជាសមទ្ធផលថ្មីមួយ ដែលក្រុម Benfica បានសម្រេចនៅក្នុងរដូវកាលនេះ តាមរយៈការឈ្នះពានលីគកំពូល ជាលើកទី ៣៦ ហើយ ៤ រដូវកាលជាប់ៗគ្នាផងដែរ។ នេះគឺជាការតាមទាន់ក្រុម Porto ដែលលើកពាន ៤ រដូវកាលជាប់ៗគ្នា កាលពីឆ្នាំ ២០០៦-២០០៩ ហើយ Porto ក៍ធ្លាប់លើកពាននេះ ៥ រដូវកាលជាប់ៗគ្នា កាលពីឆ្នាំ ១៩៩៥-១៩៩៩ ផងដែរ។

ក៍ប៉ុន្តែ នេះវាហាក់ដូចជាកំណត់ត្រាថ្មី សម្រាប់ Benfica ដែលអាចឈ្នះពាន ៤រដូវកាលជាប់ៗគ្នាបែបនេះ ខណះក្រុមមួយនេះ​ អាចធ្វើបានល្អបំផុតត្រឹម ៣រដូវកាលជាប់គ្នា កាលពីឆ្នាំ ១៩៧៥-១៩៧៧។ ប្រសិនបើ Benfica អាចឈ្នះពានលីគកំពូលព័រទុយហ្គាល់មីរដូវកាលក្រោយទៀត នោះពួកគេ នឹងតាមទាន់កំណត់ត្រារបស់ Porto ជាក់ជាមិនខាន។

គួរបញ្ជាក់ផងដែរថា Benfica បានយកឈ្នះក្រុម Porto ក្នុងការឈ្នះពានរដូវកាលនេះ​ ដែលជាគូប្រជែងយ៉ាងសំខាន់របស់ពួកគេតាំងពីដើមរដូវកាលមក។