អ្នកចាំទី ជម្រើសជាតិប៊ែលហ្សិច​ Thibaut Courtois កំពុងតែពិចារណាក្នុងការចាកចេញឬ មិនចាកចេញបន្ទាប់ពី Real Madrid ទិញបាន Devid De Gea ពីបីសាចក្រហម។

ទាក់ទងនឹងបញ្ហានេះ ក្រុមតោខៀវ Chelsea បានសម្រេចតំឡើងប្រាក់ពលកម្មប្រចាំសប្តាហ៍ដល់ Courtois រហូតដល់ទៅ ១៥០០០០ផោន​ ដើម្បីជាការលួងចិត្តឲ្យអ្នកចាំទីរូបនេះបន្តនៅជាមួយក្រុមជើងឯក Premire League នេះទៀត។ Courtois ត្រូវផុតកុងត្រាជាមួយតោខៀវ​ រហូតដល់ឆ្នាំ ២០១៩ ​ក៍ប៉ុន្តែ ការលេចលឺ នូវពត៌មានទាក់ទងនឹងការចាប់អាម្មណ៍របស់ Real Madrid គឺជាបញ្ហាមួយសម្រាប់ Chelsea។ ហេតុនេះហើយ ដើម្បីរក្សា Courtois ឲ្យបន្តនៅ Chelsea ទៀត មានតែការតំឡើងថ្លៃពលកម្មប៉ុណ្ណោះទើបអាចរក្សាអ្នកចាំទីរូបនេះបាន។

គួរបញ្ជាក់ផងដែរថា Courtois មានថ្លៃឈ្នួលពលកម្មត្រឹម ១០០០០០ផោនក្នុងមួយសប្តាហ៍ តែនៅពេលនេះ គាត់អាចឡើងថ្លៃឈ្នួលពលកម្មរហូតដល់ទៅ ១៥០០០០ផោនក្នុងមួយសប្តាហ៍។ Courtois ប្រហែលជាមិនចាកចេញពី Chelsea ទេ ព្រោះ Real Madrid បានទិញយក De Gea រួចហើយដែលជាបញ្ហាមួយដែល Courtois ត្រូវប្រជែងតំណែង ១១ នាក់ដំបូងជាមួយគ្នា។

ហើយនេះក៍ជាការរក្សាអ្នកចាំទី រូបនេះផងដែរ ព្រោះ Hazard នឹងចាកចេញ​ ប្រសិនបើ​Courtois ចាកចេញទៀត វានឹងក្លាយជាបញ្ហាសម្រាប់ Chelsea។