ស្ងាត់ៗ ពិធីករកីឡារបស់ក្រុមហ៊ុច CBS (CTN,CNC,MYTV) លោក ម់ៃ សុជាតិ បានភ្ជាប់ពាក្សនៅខេត្តព្រះសីហនុ នាថ្ងៃទី ២១ ខែ ឧសភា ឆ្នាំ ២០១៧ ។

តាមសាមីខ្លួនខាងប្រុសបានប្រាប់ Post Sport ថា៖ ​« ពិធីភ្ជាប់ពាក្សនេះធ្វើមិនធំទេ ដោយមានតែភ្ញៀវបងប្អូនខាងប្រុស និង ខាងស្រីតែប៉ុនណ្ណោះ ពីព្រោះការរៀបការអាចនឹងធ្វើឡើងនាឆ្នាំក្រោយ ហើយមិត្តរួមការងារក៏ពិបាកមកចូលរួមដែរ ខណៈត្រូវធ្វើដំណើរឆ្ងាយ រងចាំថ្ងៃការចាំអញ្ជើញចូលរួម » ។ អ្នករាយការណ៍កីឡា រូបនេះបន្តថា ពួកគេបានស្គាល់ចិត្តគ្នាជាង ២ ឆ្នាំ ដោយដំបូងស្គាល់តាមមិត្តភ័ក្ត និង បណ្តាយសង្គមហ្វេប៊ុក ។

កូនស្រីឈ្មោះ រស់ ដែន មានស្រុកកំណើតនៅស្រុក ព្រៃនប់ ខេត្តព្រះសីហនុ ដែលធ្វើជាពេទ្យ(ឆ្មប)បម្រើការងារនៅមន្ទីរពេទ្យបង្អែកស្រុក ស្រីសន្ធរ ខេត្តកំពង់ចាម ។ ខណៈខាងប្រុស មានស្រុកកំណើតនៅស្រុកបាទី ខេត្តតាកែវ ហើយបន្ចុប្បន្នបម្រើការងារនៅក្រុមហ៊ុនទូទរស្សន៍ CBS ផ្នែកខាងពត៌មានកីឡា ៕