លោក ម៉ា សេរី ជាអ្នកផលិតកម្មវិធីកីឡាពោរពេញដោយបទពិសោធន៍និងគំនិតច្នៃប្រឌិត ព្រមទាំងជាពិធីករជើងចាស់ដ៏ល្បីល្បាញប្រកបដោយវោហារសាស្ត្រផ្នែក កីឡាប្រចាំ CBS ដែលទទួលបានការគាំទ្រយ៉ាងខ្លាំងពីសំណាក់មហាជនអ្នកស្នេហា វិស័យកីឡា។
ប្រដាល់គុនខ្មែរ គឺជាវិស័យមួយដែលលោកស្រលាញ់ជាងគេបំផុត ដូច្នេះហើយដើម្បីគោរពនិងឧទ្ទិសដល់លោក ម៉ា សេរី ទូរទស្សន៍ CNC បានបង្កើតកម្មវិធីប្រដាល់ពិសេសរៀងរាល់ឆ្នាំ ពានរង្វាន់ជើងឯកគុនខ្មែរ ម៉ា សេរី ។ នៅថ្ងៃ សៅរ៍ ទី ០៣ ខែ មិថុនា ឆ្នាំ ២០១៧ នេះ និងមានការប្រកួតរវាង អ៊ុំ ចំរើន ប្រកួតជាមួយ នឹងត្រាក់កាន របស់ប្រទេសថៃ ក្នុងកម្មវិធីគោជល់ ផ្សាយផ្ទាល់តាមកញ្ចក់ទូរទស្សន៍ CNC ។
សូមរំលឹកថា លោក ម៉ា សេរី បានទទួលមរណភាពដោយរោគជរាពាធកាលពីព្រឹកថ្ងៃទី ៨ ខែ កុម្ភៈ ឆ្នាំ ២០១៧ ក្នុងវ័យ ៥៦ ឆ្នាំ៕
មតិយោបល់