ក្រុមអ្នកមាននៅបារាំង Paris Saint Germain បានឈ្នះពាន Franch Cup កាលពីយប់មិញនេះ ក្រោយឈ្នះ Angers ១ទល់០ យ៉ាងវេទនា។

ថ្វីបើរដូវកាលនេះ ក្រុម Paris Saint Germain ខកខានមិនបានឈ្នះពាន League 1 ក៍ដោយ តែក្រុមអ្នកមានបារាំងមួយនេះ មិនបានធ្វើឲ្យអ្នកគាំទ្ររបស់ពួកគេ ខកចិត្តឡើយ ព្រោះក្រុមខ្លាំងមួយនេះ បានឈ្នះពាន Franch Cup កាលពីយប់មិញនេះ។ ជាការពិតណាស់ វាជាការប្រកួតដ៍លំបាកមួយ សម្រាប់ Paris Saint Germain ដោយសារតែក្រុមបានត្រឹមធ្វើការវាយលុក តែមិនអាចស៊ុតបញ្ចូលទី Angers បានឡើយ។ ១ គ្រាប់របស់ PSG រកបានដោយការស៊ុតចូលទីខ្លួនឯងរបស់កីឡាករ Cissokho នៅនាទីទី ៩០ បូកទៅហើយ។

យ៉ាងណាក៍ដោយ Paris Saint Germain បានក្លាយជាជើងឯក Franch Cup ព្រោះតែជ័យជម្នះដ៍សំខាន់នេះ។ នេះគឺជាការឈ្នះពាន ៣ ឆ្នាំជាប់ៗគ្នា របស់ក្រុម Paris Saint Germain ហើយវាក៍ជាលើកទី ១១ ហើយដែលក្លិបឈ្នះពាន Franch Cup នេះ។