Post News Media ព័ត៌មានកីឡា Maradona រិះគ...

Maradona រិះគន់គ្រូអាហ្សង់ទីនជាថ្មី

អតីតវីរបុរសដៃទេព Diego Maradona បានបន្តធ្វើការរិញគន់ ការដឹកនាំរបស់លោក Sampaoli ដែលជាគ្រូបង្វឹករបស់ក្រុមជម្រើសជាតិអាហ្សង់​ទីន នាពេលបច្ចុប្បន្ននេះ។

ជាក់ស្តែងណាស់ បើតាមការចុះផ្សាយរបស់ Mundo Deportivo បានឲ្យដឹងថា អតីតស្តេចបាល់ទាត់អាហ្សង់ទីន លោក Diego Maradona ហាក់ខកបំណង​យ៉ាងខ្លាំងចំពោះលទ្ធផលរបស់អាហ្សង់ទីន ក្នុងការប្រកួតបើកឆាកជាមួយអ៊ីស្លង់ កន្លងមកនេះ។ Maradona បានឲ្យដឹងថា អាហ្សង់ទីន មិនមែនអន់ឡើយ ទម្រង់​លេងរបស់ក្រុមមួយនេះ​ ល្អខ្លាំងណាស់ តែអ្វីដែលជាចំណុចខ្វះខាតនោះ ដោយសារតែលោក Sampaoli ប្រើប្រាស់កីឡាករ មិនត្រឹមត្រូវ។

វីរបុរសដៃទេពរូបនេះ បានឲ្យដឹងទៀតថា លោក Sampoali បានសាងកំហុស ដោយមិនជ្រើសរើសយក Mauro Icardi ម្តងហើយ ក៍ប៉ុន្តែ ក្នុងការប្រកួតជាមួយ​អ៊ីស្លង់នេះដែរ លោកនៅតែបន្តសាងកំហុស ដោយមិនផ្តល់ឱកាសឲ្យ Paulo Dybala បានលេងឡើយ។ ប្រសិនបើ Dybala បានចូលទីលានវិញ ច្បាស់ជាលទ្ធផល អាចមានការប្រែប្រួលជាងនេះ ព្រោះថា Dybala អាចលេងជំនួសតំណែង Lionel Messi ដោយរុញ Messi ឲ្យទៅតំបន់ប្រយុទ្ធ​ដាច់ មានការគាំទ្រខាងក្រោមពីសំណាក់ Dybala វិញ នោះនឹងធ្វើឲ្យតំបន់ប្រយុទ្ធ អាហ្សង់ទីន កាន់តែខ្លាំងជាងមុនជាក់ជាមិនខាន។

ដូច្នេះហើយ លោក Diego Maradona ជឿជាក់ថា ប្រសិនបើអាហ្សង់ទីន នៅតែទុក Paulo Dybala ឲ្យអង្គុយមើលទៀតនោះ លទ្ធផលរបស់អាហ្សង់ទីន អាចប្រឈមមុខនឹងការធ្វើមិនបានល្អទៀតជាក់ជាមិនខាន ព្រោះថា គូប្រលួតបានមើល ពីភាពខ្លាំងរបស់ Messi បើមាន Dybala ម្នាក់ទៀត អាចធ្វើឲ្យគូប្រកួតកាន់តែពិបាក ក្នុងការបិទ កីឡាករទាំង២រូបនេះ។

Loading...