នេះគឺជារឿងសោកស្តាយបំផុតសម្រាប់ប្រជាជាតិអាស៊ី ជប៉ុន និងកូរ៉េខាងត្បូង បានធ្លាក់នៅត្រឹមវគ្គ ១៦ ក្រុមចុងក្រោយនៃ FIFA World Cup U-20។

វាជារឿងដ៍សោកសង្រេង ដែលក្រុមបាល់ទាត់យុវជនអាយុក្រោម ២០ ឆ្នាំ របស់ជប៉ុន និងកូរ៉េខាងត្បូង បានជ្រុះចេញក្រោយពីចាញ់ការប្រកួតម្សិលមិញនេះ។ ជប៉ុន បានប្រកួតចាញ់ក្រុម វីណេហ្សូអេឡា នៅក្នុងការប្រកួតម៉ោងបន្ថែម ១៥ នាទី ២ ដង វាស្ទើតែមានឱកាសទៅហើយសម្រាប់ជប៉ុន ដែលអាចទប់ក្រុមខ្លាំងវីណេហ្សូអេឡាបានរហូតដល់នាទីទី ១០៩ ទើបជប៉ុនរបូតគ្រាប់បាល់។

ចំណែកកូរ៉េខាងត្បូងវិញ ក្នុងនាមជាម្ចាស់ផ្ទះ បានបរាជ័យក្រោមស្នាដៃក្រុមយុវជនអាយុក្រោម ២០ ឆ្នាំរបស់ព័រទុយហ្គាល់ ៣-១ ថ្វីបើលេងក្នុងដីខ្លួនឯងតែ កូរ៉េខាងត្បូង មិនអាចទប់ទល់ជាមួយនឹងក្រុមខ្លាំងព័រទុយហ្គាល់បានឡើយ ជាហេតុធ្វើឲ្យកូរ៉េខាងត្បូងរបូតគ្រាប់បាល់ដល់ទៅ ៣គ្រាប់ ដោយអាចវាយបកវិញបានត្រឹម ១ គ្រាប់ប៉ុណ្ណោះ។

ដូច្នេះហើយជប៉ុន នឹងត្រូវធ្វើដំណើរត្រឡប់ទៅផ្ទះវិញ ខណះកូរ៉េខាងត្បូង អង្គុយមើលការប្រកួតរបស់ក្រុមខ្លាំងផ្សេងៗ ប្រកួតក្នុងដីខ្លួនឯង។