ក្រុមបាល់ទាត់ជម្រើសជាតិកម្ពុជា​ នឹងប្រកួតមិត្តភាពក្រៅផ្លូវការណ៍ជាមួយ African All Star នៅវេលាម៉ោង ០៥ៈ៣០ នាទីល្ងាចនេះ នាពហុកីឡដ្ឋានជាតិ។

ក្រោមការដឹកនាំរបស់លោក ប្រាក់ សុវណ្ណារ៉ា បាននាំកីឡាករដែលបាត់មុខមកវិញ នឹងមិនមានវត្តមានប្រធានក្រុម ឃួន ឡាបូរ៉ាវី ធាវិ ចន្ថាប៊ីន ឡើយ ខណៈលោក Eselemo Fred ​​ជា​អ្នក​ដឹក​នាំ​ក្រុមជម្រើស​អាហ្វ្រិកដែលប្រកបអាជីពក្នុងស្រុកខ្មែរ បាននាំកីឡាករ សំខានៗជាច្រើនដែលជំនួបកន្លងមកមិនធ្លាប់មាន ដូចជា Shane ​និង Paul ​ជា​ដើម។

សូមបញ្ជាក់ថា ក្នុងជំនួបមិត្តភាពនេះគឺសម្រាប់ត្រៀមប្រកួតជាមួយ ហ្សកដានី ក្នុងពានរង្វាន់ AFC Asian Cup UAE 2019 នៅថ្ងៃទី១៤ ខែវិច្ចិកា។ ប៉ុន្តែមុខការប្រកួតពាននេះ ក្រុមគោព្រៃ ត្រូវជួប មីយ៉ាន់ម៉ា មួយលើកទៀតក្នុងជំនួបមិត្តភាព ផ្លូវការណ៍ នាថ្ងៃទី ០៩ វិច្ចិកានេះ នាពហុកីឡដ្ឋានជាតិ វេលាម៉ោង ៦ៈ៣០ នាទីល្ងាចទាំងអស់៕