ព័ត៌មានកីឡា

ជាការពិតទេដែល Bale និងទៅ Man Utd

បើតាម Mirror បានឲ្យដឹងថា ខ្សែបម្រើប្រយុទ្ធស្លាបអន្តរជាតិ Gareth Bale អាចនឹងមកចូលរួមជាមួយបីសាចក្រហម Manchester United នៅរដូវកាលក្រោយ។

ជាការពិតណាស់ Bale បានជាសះស្បើយពីរបួស ១០០% ហើយបន្ទាប់ពីរងរបួសកាលពីជំនួបជាមួយ Barcelona កីឡាករវេលរូបនេះ បានចូលរួមហ្វឹកហាត់ត្រៀមសម្រាប់ជំនួបផ្តាច់ព្រ័ត្រជាមួយ Juventus នៅថ្ងៃទី ៣ ខាងមុខនេះ។ ទាក់ទងនឹងពត៌មានរបស់ Bale នេះដែរ Mirror បានឲ្យដឹងថា កីឡាកររូបនេះ នឹងចាកចេញពី Real Madrid នៅក្រោយបញ្ចប់ Champion League នេះ។

Gareth Bale កំពុងតែប្រឈមនឹងអនាគត់របស់គេ ក្រោយពីក្លិប Real Madrid កំពុងតែមានកីឡាករល្អៗជាច្រើន ជាពិសេសគឺ Isco ដែលអាចនឹងដណ្តើមកៅអី ១១ នាក់ដំបូងបាន។ ដោយហេតុនេះហើយ Bale អាចនឹងស្វែងរកទ្រនុំថ្មី ដែលសាកសមបំផុតនោះគឺ បីសាចក្រហម Manchester United ដែលកំពុងតែតាមប្រមាញ់កីឡាកររូបនេះ។

ចាំមើលក្រោយបញ្ចប់ការប្រកួត Champion League ខ្សែបម្រើប្រយុទ្ធស្លាបរូបនេះ នឹងចាកចេញពី Real Madrid ទៅកាន់ Old Trafford ឬយ៉ាងណា?

មតិយោបល់