អតីតខ្សែប្រយុទ្ធដ៍មុតស្រួចរបស់ក្រុមតោខៀវ Chelsea កីឡាករ Didier Drogba បានប្រកាសចូលនិវត្តន៍ ហើយ ក្រោយចប់រដូវកាលនេះ។

នេះគឺជាពេលវេលាមួយ ដែលពិភពបាល់ទាត់ត្រូវបាត់បង់កីឡាករឆ្នើមៗ ជាច្រើនក្រោយពីពួកគេប្រកាសចូលនិវត្តន៍ ក្រោយចប់រដូវ​កាលនេះ។ ក្នុងនោះដែរ ក្រៅពី Xavi , Andrea Pirlo និង Arjen Rubben ដែលប្រកាសចូលនិវត្តន៍នោះ ខណ:ពេលនេះ អតីតខ្សែប្រយុទ្ធដ៍ឆ្នើមរបស់ក្រុម តោខៀវ Chelsea កីឡាករ​ Didier Drogba បានប្រកាសចូលនិវត្តន៍ម្នាក់​ទៀតហើយ។ Drogba នៅឆ្នាំនេះ មានវ័យ ៣៩ឆ្នាំហើយ ដោយរូបគេកំពុងតែលេងឲ្យក្រុម Phoenix Rising នៅសហរដ្ឋអាមរិក។ យ៉ាងណាវិញ នៅឆ្នាំក្រោយនេះ ពោលនៅក្រោយចប់លីគកំពូលរបស់សហរដ្ឋអាមេរិក Drogba នឹងចូលនិវត្តន៍ពីពិភពបាល់ទាត់ហើយ ដោយសារតែកីឡាកររូបនេះ មានអាយុដល់ទៅ ៤០ឆ្នាំទៅហើយនោះ។

សូមរំលឹកផងដែរថា ខ្សែប្រយុទ្ធកូឌីវ័រ រូបនេះ ធ្លាប់ជាអតីតវីរបុរសរបស់ក្រុមតោ​ខៀវ Chelsea កាលពីអតីតកាល ដោយរូបគេ ក្រៅពីជួយក្រុម Chelsea ឲ្យឈ្នះ Premier League នោះ Drogba បានជួយឲ្យ Chelsea ឈ្នះ Champion League លើកដំបូងរបស់ក្លិប កាលពីឆ្នាំ ២០១២ ដែលកើតចេញពីការតែតតាមស្មើ ចុងម៉ោងរបស់កីឡាកររូបនេះ។ យ៉ាងណាវិញនោះ អតីតកីឡាករដ៍ឆ្នើមរូបនេះ នឹងមិនបន្តលងក្នុងទីលានទៀតឡើយ នៅឆ្នាំក្រោយ ព្រោះថា Drogba បានសម្រេចចិត្ត ចូលនិវត្តន៍ហើយ ខណ:រូបគេ នឹងត្រឡប់ទៅកាន់ស្រុកកំណើតវិញ រួមទាំងរង់ចាំការកោះហៅរបស់ក្រុមតោខៀវ Chelsea ក្នុងការលេងក្នុងនាមជាកីឡាករ Legend របស់ក្លិបនា ពេលខាងមុខនេះផងដែរ។