នៅថ្ងៃសៅរ៍ ទី ០៣ ខែ មិថុនា ឆ្នាំ ២០១៧ នេះ​ កីឡាករប្រដាល់ ឃឹម ឌីម៉ា ត្រូវប្រកួតជាមួយ ឌុម កែវដា ដើម្បីរកបេក្ខភាពវគ្គផ្តាច់ព្រ័ត្រជើងឯកគោជល់រជ្ជកាលទី៧ នៅវេលាម៉ោង ៦ យប់ លើសង្វៀនស៊ី អ៊ិន ស៊ី ឬស្សីកែវ ។

កីឡាករដែលឈានមកដល់វគ្គពាក់កណ្តាលផ្តាច់ព្រ័ត្រនេះមានដូចជា៖ ឆៃ សារ៉ា, ហ្វានិមត្ត របស់ថៃ, ឃឹម ឌីម៉ា, ឌុម កែវដា ហើយអ្នកដែលឈ្នះត្រូវប៉ះជាមួយអ្នកឈ្នះដើម្បីដណ្តើមយកខ្សែក្រវាត់គោជល់រជ្ជកាលទី៧នេះ ឃឹម ឌីម៉ា ត្រូវប្រកួតជាមួយ ឌុម កែវដា និង​ ឆៃ សារ៉ា ត្រូវជួបកីឡាករ ហ្វានិមត្ត របស់ថៃ។

សូមបញ្ជក់ថា ការប្រកួតរវាងអ្នកប្រដាល់ឈរនៅលេខ ១ ក្នុងតារាង ឆៃ សារ៉ា ត្រូវជួបកីឡាករ ហ្វានិមត្ត របស់ថៃដែលស្ថិតនៅលេខ ៤ ត្រូវលើកទៅប្រកួតនៅថ្ងៃសៅរ៍ទី ១០ សប្តាហ៍ក្រោយវិញ ខណៈ ដើមឡើយត្រូវប្រកួតថ្ងៃនេះដែរ៕