ការប្រកួតផ្តាច់ព្រ័ត្រ UEFA Champion League រវាងក្រុមយក្ស២ Real Madrid និងក្រុម Juventus កាលពីយប់មិញ ដែលមានអ្នកគាំទ្រជាច្រើនមកចូលរួមដើម្បីគាំទ្រក្រុមរបស់ពួកគេ។

ជាក់ស្តែងណាស់ សម្រាប់ក្លិបយក្ស Real Madrid វិញ មានការចាប់អារម្មណ៍យ៉ាងខ្លាំងទៅលើអ្នកគាំទ្រ ២ រូបដែលជាអតីតតារាដ៍ឆ្នើមរបស់ក្លិប រួមមាន Raul Gonzales និង Roberto Carlos ។ Raul និង Carlos ពិតជាវត្តមានយ៉ាងសំខាន់សម្រាប់ Real Madrid ព្រោះថាតារាទាំង ២ នេះ សុទ្ធសឹងជាតារាក្នុងដួងចិត្តរបស់ក្រុម ក៍ដូចជាអ្នលគាំទ្រក្លិបទាំងអស់ ព្រោះថាពួកគាត់បានជួយឲ្យក្លិបឈ្នះពានជាច្រើន ក្នុងរជ្ជកាលរបស់ពួកគេ។ Raul Gonzales គឺជាខ្សែប្រយុទ្ធដ៍ឆ្នើម ចំណែកឯ Roberto Carlos វិញគឺជាខ្សែការពារស្លាបឆ្វេងដ៍សំខាន់របស់ Real Madrid នាជំនាន់មុន។

តារាឆ្នើមទាំង ២ បានអង្គុយមើលអតីតក្រុមរបស់ពួកគេ ប្រកួតផ្តាច់ព្រ័ត្រជាមួយ Juventus ហើយក្រុមចាស់របស់ពួកគេអាចឈ្នះពាន Champion League នេះ បន្ទាប់ពីទទួលបាន ជ័យជម្នះ ៤ទល់១។