ខ្សែបម្រើរបស់ក្រុម Bayern Munich កីឡាករ Arturo Vidal នៅតែបន្តការណែនាំខ្សែប្រយុទ្ធឆ្នើម Alexis Sanchez ឲ្យចាកចេញពីក្រុមកាំភ្លើងធំ Arsenal ។

ថ្វីបើ Sanchez បានបន្តការចុះកិច្ចសន្យាជាមួយ Arsenal ក៍ពិតមែន តែកីឡាករ Arturo Vidal នៅតែព្យាយាម ពន្យល់ឲ្យ ខ្សែប្រយុទ្ធរូបនេះ មកកាន់ Bayern Munich ។ Vidal បានប្រាប់ទៅ មិត្តរួមជាតិរបស់គេថា នៅ Bayern Munich រូបគេ​ នឹងមានអនាគតល្អជាងនៅ Arsenal ព្រោះថា ទីនេះមានអ្វីៗគ្រប់យ៉ាងទាំងអស់។ កីឡាកររូបនេះ បានបន្ថែមទៀតថា នៅអាឡឺម៉ង់ Sanchez អាចឈ្នះពានបានយ៉ាងច្រើនជាមួយក្លិប ព្រោះទីនេះមានសុទ្ធសឹងធនធានកីឡាករឆ្នើមៗច្រើន។ ម្យ៉ាងវិញទៀត Bayern Munich ជាក្រុមដែលគួរឲ្យភ័យខ្លាចនៅអឺរ៉ុប ដោយហេតុនេះហើយ ការមកកាន់អាឡឺម៉ង់ នឹងធ្វើឲ្យ Alexis Sanchez កាន់តែល្បីល្បាញជាងមុន។

គួរបញ្ជាក់ផងដែរថា Arturo Vidal និង Alexis Sanchez គឺជាមិត្តរួមក្រុមក្នុងជម្រើសជាតិឈីលីជាមួយគ្នា។