នេះគឺជាសារដ៏ខ្លីមួយ ដែលខ្សែប្រយុទ្ធលំដាប់ពិភពលោក Cristiano Ronaldo បាននិយាយនៅក្រោយពេលដែលលោក Ed Woodward ចង់បានតារាឆ្នើមរូបនេះ ត្រឡប់ទៅ Old Trafford វិញ។

ក្រោយពីឈ្នះ UEFA Champion League ជាមួយនឹងក្រុមយក្ស Real Madrid ថ្មីៗនេះ Ronaldo បានបដិសេធ សំណើររបស់ប្រធាបក្លិបបីសាចក្រហម Ed Woodward ដែលចង់បានកីឡាកររូបនេះ ត្រឡប់ទៅវិញ។ បើតាម Daily Star បានឲ្យដឹងថា បើទោះបីជា Manchester United ជាក្រុមដែលនាំឲ្យរូបគេល្បីល្បាញក៏ដោយ តែ Ronaldo មិនចង់ចាកចេញពី Real Madrid ឡើយ ព្រោះរូបគេចង់បន្តឈ្នះពានជាច្រើនទៀត ជាមួយក្លិប។ លោក Ed Woodward បានព្យាយាមចំណាយលុយយ៉ាងច្រើនឲ្យលោក Jose Mourinho ក្នុងរដូវកាលដោះដូរកីឡាករនេះ ខណៈមកទល់ពេលនេះ បីសាចក្រហម បានចរចារជាមួយកីឡាកររបស់ក្រុម Real Madrid ៤នាក់ហើយ រួមមានដូចជា James Rodriguez, Alvaro Morata, Gareth Bale និងចុងក្រោយនេះគឺ Cristiano Ronaldo។

ការចំណាយដើមទុនច្រើនបែបនេះ លោក Ed Woodward មានបំណងចង់ឲ្យ Man Utd ល្អដូចដើមវិញ ពោលគឺចង់ឈ្នះពាន Champion League ឡើងវិញ។ ក៏ប៉ុន្តែ Ronaldo ហាក់មិនចង់ត្រឡប់ទៅ Old Trafford វិញឡើយ ព្រោះតារារូបនេះ ជឿជាក់ថា វត្តមានរបស់គេនៅ Real Madrid គឺប្រសើរជាងនៅ Man Utd ព្រោះ បីសាចក្រហមពេលនេះ មិនដូចបីសាចក្រហមពីមុនឡើយ។

គួររំលឹកផងដែរថា Ronaldo បានផ្លាស់ពី Man Utdទៅកាន់ Real Madrid កាលពីឆ្នាំ ២០០៩ ក្នុងតម្លៃដ៏ខ្ពស់ ៨០លានផោន៕