ក្រយមឥន្ទ្រីយដែក អាឡឺម៉ង់ បានលុតយ៉ាងដំណំលើក្រុម ណ័រវេរ ក្នុងលទ្ធផល ៦-០ ដើម្បីត្រៀមកក់កៅអីឡើងទៅកាន់វគ្គចែកពូក World Cup ២០១៨ ក្នុងប្រទេសរុស្ស៊ី។

នេះគឺជាការលេងយ៉ាងស៊ីចង្វាក់ របស់ក្រុមការពារតំណែងជើងឯក អាឡឺម៉ង់ ក្នុងការប្រកួតជម្រុះក្នុងជុំ ពូលC ។ ជាក់ស្តែងណាស់ ក្រុមជម្រើសជាតិអាឡឺម៉ង់ បានលុតក្រុមជម្រើសជាតិណ័រវេរ មិនឲ្យតដៃបាន ក្នុងលទ្ធផល ៦-០ កាលពីយប់មិញនេះ។ ៦គ្រាប់របស់ អាឡឺម៉ង់ រកបានដោយ Mesut Ozil នៅនាទីទី ១០, Julian Draxler នៅនាទីទី១៧, Timo Werner នៅនាទីទី ២១ និង៤០, Leon Goretzka នៅនាទីទី៥០ និង Mario Gomez នៅនាទីទី ៧៩។ ឆ្លងកាត់ការប្រកួតនេះ ឥន្រ្ទីយដែក អាឡឺម៉ង់ បានយកឈ្នះការប្រកួតទាំង ៨ប្រកួតក្នុងពូល មាន២៤ពិន្ទុ តាមពីក្រោយដោយក្រុម អៀរឡង់ខាងជើងមាន ១៩ពិន្ទុ។ តាមរយៈគម្លាតពិន្ទុនេះ អាឡឺម៉ង់ច្បាស់ណាស់ថា ជាក្រុមដែលកំពុងតែកក់សំបុត្រយន្តហោះ ទីកាន់រុស្ស៊ីរួចស្រេចទៅហើយ។

ដូច្នេះហើយ នៅសល់ពីប្រកួតទៀត អាឡឺម៉ង់លេងមិនប្រឹង ក៍ឡើងដែរ ក៍ប៉ុន្តែ អាឡឺម៉ង់ ក៍ត្រូវការរក្សាទម្រង់លេងឲ្យល្អផងដែរ។