ប្រធានក្រុមហ៊ុន Fosun International បានសម្រេចនៅក្នុងការទិញយកក្លិប Wolves នៅក្របខ័ណ្ឌទី២របស់អង់គ្លេស ក្រោយពីដាក់ភាគហ៊ុន ជាមួយក្លិបតាំងពីឆ្នាំ ២០១៦ កន្លងមក តែមិនបានបញ្ជាក់ពីតម្លៃឲ្យបានច្បាស់នោះទេ។

Jeff Shi អ្នកជំនួញជនជាតិចិនដ៍ល្បីល្បាញមួយរូប ព្រមទាំងជានាយកក្រុមហ៊ុន Fosun International បានសម្រេចនៅក្នុងការទិញយកក្លិប Wolves នៅក្របខ័ណ្ឌ Championship របស់អង់គ្លេស។ ការសម្រេចទិញយកក្លិប Wolves របស់លោក Shi គឺមិនមែនជារឿងចៃដន្យឡើយ ព្រោះថា ក្រុមហ៊ុនរបស់លោក បានចូលមកវិនិយោគទុន ជាមួយក្លិបកាលពីឆ្នាំ ២០១៦ កន្លងមក។ ម្យ៉ាងវិញទៀតនោះ លោក Jeff Shi គឺជាអ្នកគាំទ្រមួយរូបរបស់ក្លិប Wolves ហើយលោកក៍មានក្តីស្រម៉ៃក្នុងការគ្រប់គ្រងក្លិបនេះផងដែរ។ Wolves បញ្ចប់រដូវកាលនេះ ដោយឈរលេខរៀងទី ១៥ក្នុងតារាង ដោយត្រូវបន្តលេងនៅ Championship ជាបន្តទៀត។

ជាការពិតណាស់ លោក Jeff Shi មានក្តីរំពឹងថា ការមកគ្រប់គ្រងក្លិប ដែលចាប់ផ្តើមនៅខែក្រោយនេះ លោកនឹងចំណាយច្រើន ដើម្បីផ្លាស់ប្តូរមុខមាត់ក្លិបឡើងវិញ។ អ្វីដែលសំខាន់លោកចង់ឲ្យ Wolves ឡើងទៅលេងនៅក្របខ័ណ្ឌ​ Premire League នៅរដូវកាលក្រោយ។