បន្ទាប់ពីមិនអាចឈ្នះពាន Champion League ក្នុងការប្រកួតនាពេលកន្លងមកនេះ ក្រុមសេះបង្កង់ Juventus សម្រេចចិត្តមកចែរចង់កីឡាករ Riyad Mahrez ពីក្រុម Leicester City។

Mirror បានចុះផ្សាយនៅក្នុងគេហទំព័ររបស់ពួកគេថា ខ្សែបម្រើអាល់សេរ៊ី Riyad Mahrez កំពុងតែទទួលបានការចាប់អារម្មណ៍យ៉ាងខ្លាំងពីសំណាក់ក្រុម Juventus ។ ថ្វីបើរដូវកាលនេះ Mahrez ហាក់ធ្លាក់ទម្រង់លេងមែន តែកីឡាករវ័យ ២៦ឆ្នាំរូបនេះ ទទួលបានការចាប់អារម្មណ៍យ៉ាងច្រើនពីសំណាក់ក្លិបធំៗ នៅអឺរ៉ុប រួមមានដូចជា Arsenal, Paris Saint Germain, Tottenham និង Juventus ។

ជាការពិតណាស់ ការសម្លឹងឃើញ Mahrez ពីសំណាក់ Juventus នេះដែរ គឺដោយសារតែតំបន់ស្លាបរបស់ក្រុមយក្សអ៊ីតាលីមួយនេះ កំពុងតែខ្វះខាតខណះ Sandro ជិតចាកចេញពីក្លិប។ ដូច្នេះហើយ វាគឺជាការបំពេញបន្ថែមមួយយ៉ាងសំខាន់ ព្រោះថា Mahrez សាកសមបំផុតសម្រាប់តំណែងខ្សែបម្រើស្លាបស្តាំរបស់ក្លិប។ Juventus ជឿជាក់ថា Riyad Mahrez នឹងមកកាន់ក្លិបនៅពេលខាងមុខនេះ ព្រោះ Juventus ប្រាកដជាកន្លែងដ៍ល្អសម្រាប់កីឡាករអាល់សេរ៊ីរូបនេះ។