ការប្រកួតពានរង្វាន់សម្តេចហ៊ុន សែន ឆ្នាំ២០១៧ នេះក្នុងដំណាក់កាលទី ៤ ជើងទី ១ ដោយក្រុមម្ចាស់ផ្ទះ ក្រសួងការពារជាតិ បានយកឈ្នះលើ ក្រុមខេត្តស្ទឹងត្រែង ក្នុងលទ្ធផល ៦ទល់០ នៅលើកីឡដ្ឋានស្ដាតចាស់ កាលពីថ្ងៃទី ២១ ខែ មិថុនា ឆ្នាំ ២០១៧ ម្សិលមិញនេះ។

គ្រាប់ទាំង ៦ របស់ក្រុមម្ចាស់ផ្ទះរកបានដោយកីឡាករ ច្រឹង ពលរដ្ឋ ២ គ្រាប់ម្នាក់ឯង នៅនាទី ៣៣ និង ៣៨ ត្រឹមតែរយៈពេល ៤ នាទិបន្ទាប់ កែ វណ្ណៈ បន្ថែម ១ គ្រាប់ទៀតមុនបញ្ចប់វគ្គទី ១ ការប្រកួតវគ្គទី ២ បានចូលមកដល់នៅនាទី ៦៨ កីឡាករខ្សែការពារ ខែក ខេមរិន្ន ឡើងមកតែតបាន ១ គ្រាប់ ហើយកីឡាករ ឈិន ឈឿន រកបាន ១ គ្រាប់នៅនាទី ៨៥ និង ១ នាទីបន្ទាប់ រឹង ប៊ុនហៀង រកបានគ្រាប់ចុងក្រោយ ១ ទៀត៕

ការប្រកួតដំណាក់ទី ៤ ជើងទី ២ នឹងត្រូវធ្វើឡើងនៅថ្ងៃទី ១៣ ខែ កញ្ញា ឆ្នាំ ២០១៧ ខាងមុខនេះ ខណ:ដែលក្រុម ខេត្តស្ទឹងត្រែង ធ្វើជាម្ខាស់ផ្ទះវិញម្តង៕