កីឡាការនី Ellen White ធ្វើបានយ៉ាងអស្ចារ្យ ក្នុងការបង្ហាញខ្លួនលើកដំបូងក្នុងនាមជាប្រធានក្រុម ឲ្យក្រុមជម្រើសជាតិអង់គ្លេស ដោយរកបាន ២គ្រាប់ យកឈ្នះ ដាណាម៉ាក ២-១ ។

ក្រុមបាល់ទាត់ជម្រើសជាតិនារីរបស់អង់គ្លេស ធ្វើបានយ៉ាងល្អ ដោយអាចយកឈ្នះលើក្រុមម្ចាស់ផ្ទះជើងខ្លាំង ដាណាម៉ាក។ កីឡាការនី ប្រធានក្រុមថ្មី Ellen White បានបង្ហាញនូវសមត្ថភាពយ៉ាងល្អ ដោយអាចរកបាន ២គ្រាប់ម្នាក់ឯង ក្នុងការស្វែងរកជ័័យជម្នះដល់ក្រុមជម្រើសជាតិ។ យ៉ាងណាវិញ ការទទួលបានជ័យជម្នះ ក្នុងជំនួបមិត្តភាពនេះ គឺជាការត្រៀមខ្លួនមួយផងដែរ សម្រាប់អង់គ្លេស ក្នុងយុទ្ធនាការណ៍ European Championship នៅរដូវក្តៅខាងមុខនេះ។

គួរបញ្ជាក់ផងដែរថា ក្រុមបាល់ទាត់នារីរបស់ក្រុមជម្រើសជាតិអង់គ្លេស កំពុងឈរនៅចំណាត់ថ្នាក់លេខ ១៥ ពិភពលោក។ នៅក្នុងការត្រៀមខ្លួន ប្រកួត European Championship ៦ប្រកួតកន្លងមក អង់គ្លេស ឈ្នះ ៤ប្រកួត ស្មើ១ និងចាញ់១ប្រកួត។