World Cup ឆ្នាំនេះ ពិតជាខុសប្លែកពី World Cup លើកមុនៗណាស់ ព្រោះថា ការប្រកួត​ទើបតែចាប់ផ្តើម​មិនទាន់បាន ២ជុំស្រួលបួលផង កីឡាករមួយចំនួន​រក​គ្រាប់បាល់ បានច្រើនគួរសមទៅហើយ។

ជាក់ស្តែងណាស់ បើយើងក្រឡេកមើល កីឡាករដែលស៊ុតបញ្ចូលទី នាពេល​បច្ចុប្បន្ននេះវិញ យើងឃើញថា Cristiano Ronaldo កំពុងតែនាំមុខគេ ដោយ​២​ប្រកួតកន្លងមកនេះ ខ្សែប្រយុទ្ធរបស់ពរទុយហ្គាល់រូបនេះ ស៊ុតបាន ៤គ្រាប់ទៅហើយ។ ក្នុងនោះដែរ Diego Costa របស់អេស្ប៉ាញវិញ ក៍មិនអន់ប៉ុន្មានឡើយ កីឡាកររូបនេះ រកបាន ៣គ្រាប់ផងដែរ ក្នុងការបង្ហាញខ្លួន​បាន ២លើកដូចគ្នា ស្របពរលដែលកីឡាករ Denis Cheryshev របស់ រុស្ស៊ីវិញ ក៍រកបាន ៣គ្រាប់ដូចគ្នា។

ក្រៅពីនេះ ខ្សែប្រយុទ្ធអង់គ្លេស Harry Kane ក៍ជាកីឡាករដែលគួរឲ្យចាប់អារម្មណ៍ដែរ ព្រោះថាប្រកួតដំបូងកីឡាកររូបនេះ រកបាន ២គ្រាប់ Atem Dzyuba របស់រុស្ស៊ី ២គ្រាប់ និង Romelu Lukaku របស់ប៊ែលហ្ស៊ិក ២គ្រាប់ដូចគ្នា ដែលនេះបង្ហាញឲ្យឃើញថា កីឡាករមួយចំនួនកំពុងតែដណ្តើម​គ្នា យកស្បែកជើងមាស World Cup ដែលទំនងជាម្ចាស់ស្បែកជើងមាស ឆ្នាំនេះ គ្រាប់បាល់អាចច្រើនជាង James Rodriguez ស៊ុតបាន ៦គ្រាប់កាលពី World Cup ២០១៤ នៅប្រេស៊ីល។

ដូច្នេះហើយ រង់ចាំមើលថា តើកីឡាកររូបណា នឹងក្លាយជាម្ចាស់ស្បែកជើងមាស FIFA World Cup ឆ្នាំនេះ ដែលគ្រាប់បាលនឹងស៊ុតបានប៉ុន្មានគ្រាប់វិញនោះ ។

https://www.youtube.com/watch?v=XxPRe18iqkY