ព័ត៌មានកីឡា

Saul បន្តកុងត្រាជាមួយ Atletico Madrid រហូតដល់ឆ្នាំ ២០២៦

ខ្សែបម្រើប្រយុទ្ធវ័យក្មេងរបស់ក្រុមជម្រើសជាតិអេស្ប៉ាញ Saul Niguez បានសម្រេចចិត្តបន្តកុងត្រាជាមួយក្រុម Atletico Madrid រហូតដល់ឆ្នាំ ២០២៦ ។

Saul Niguez កំពុងតែទទួលបានការចាប់អារម្មណ៍យ៉ាងច្រើន ពីសំណាក់ក្លិបធំៗជាច្រើន ក្រោយពីការបង្ហាញសមត្ថភាពយ៉ាងល្អ នាពេលកន្លងមក។ ក៍ប៉ុន្តែ នៅក្នុងការចុះផ្សាយរបស់ The Sun បានឲ្យដឹងថា ខ្សែបម្រើប្រយុទ្ធឆ្នើមរូបនេះ មិនមានបំណងចង់ចាកចេញពីក្លិប Atletico Madrid ឡើយ ព្រោះរូបគេបានបន្តកុងត្រាថ្មីជាមួយក្លិបរហូតដល់ឆ្នាំ ២០២៦។ Saul បានចូលលេងក្នុងឈុតយុវជនរបស់ Atletico Madrid តាំងពីឆ្នាំ ២០០៧ មុននឹងឡើងមកលេងក្នុងឈុតធំ នៅឆ្នាំ ២០១២កន្លងមក ក្នុងអាយុ ១៧ឆ្នាំ។

យ៉ាងណាវិញ កីឡាករវ័យ ២២ឆ្នាំរូបនេះ បានបន្ថែមកុងត្រាថ្មីរបស់គេ ៥ឆ្នាំបន្តទៀត ដោយបូករួមនឹងកុងត្រាចាស់ ដែលនៅសល់ ៤ឆ្នាំទៀតនោះ សរុបទៅមានចំនួន ៩ឆ្នាំទៀត។ ហេតុនេះហើយ ការបន្តកុងត្រាថ្មីច្រើនបែបនេះ បង្ហាញឲ្យឃើញថា Saul Niguez មិនមានបំណងចង់ចាកចេញពី Atletico Madrid ឡើយ ជាហេតុនាំឲ្យក្លិបដែលមានបំណងចង់បានរូបគេមានការខកចិត្តយ៉ាងខ្លាំង។

មតិយោបល់