ខ្សែប្រយុទ្ធអេស្ប៉ាញ Alvaro Morata បានត្រៀមខ្លួនរួចជាស្រេច ក្នុងការធ្វើព្យុះធ្វើភ្លៀង លើក្រុមបីសាចក្រហម Manchester United នៅក្នុងជំនួប International Champion Cup នាថ្ងៃទី ២៣ កក្កដា ខាងមុខនេះ។

ក្រោយពីខកខានឱកាស ក្នុងការផ្ទេរទៅកាន់ក្រុម បីសាចក្រហម Manchester United ខ្សែប្រយុទ្ធ Alvaro Morata នឹងយកការប្រកួត នៅលើទឹកដីអាមេរិក ជាការផ្តល់មេរៀន ដល់ក្រុមអង់គ្លេសមួយនេះ។ ជាការពិតណាស់ Morata មានបំណងចង់ផ្លាស់មកកាន់ក្រុម Man Utd ជាងក្រុមណាទាំងអស់ ដោយរូបគេត្រៀម នឹងមកកាន់ Man Utd ដើម្បីចុះកុងត្រាទៅហើយ តែត្រូវខកខានវិញក្រោយ លោក Jose Mourinho បានទិញយកខ្សែប្រយុទ្ធ Romelu Lukaku ពីក្រុម Everton ។

ដោយសារ ការខកចិត្តនេះ បានក្លាយជាការ តូចចិត្តមួយ ដែលបានធ្វើឲ្យ Morata នឹងធ្វើឲ្យ Man Utd ស្រក់ទឹកភ្នែក និងស្តាយក្រោយ ចំពោះ ការមិនទិញយករូបគេនោះ។ គួរបញ្ជាក់ផងដែរថា Real Madrid នឹងត្រូវប្រកួតជាមួយក្រុម Man Utd នៅថ្ងៃទី ២៣ កក្កដា នេះ ក្នុងពានរង្វាន់ International Champion Cup នាទឹកដីសហរដ្ឋអាមេរិក និង ការប្រកួត UEFA Super Cup នៅដើមខែក្រោយផងដែរ។

ដូច្នេះហើយ ក្តីសង្ឃឹមរបស់ខ្សែប្រយុទ្ធ Alvaro Morata គឺការស៊ុតបញ្ចូលទី ក្រុម Man Utd ឲ្យបានច្រើនគ្រាប់ និងការបំបាក់ក្រុម Man Utd យ៉ាងចាស់ដៃតែម្តង។ គួរបញ្ជាក់ផងដែរថា ពត៌មានចុងក្រោយនេះ ត្រូវបានឲ្យដឹងថា Alvaro Morata នឹងផ្លាស់ទៅកាន់ក្រុម តោខៀវ Chelsea វិញ។