ក្រោយពីត្រូវបានក្រុម Bayern Munich កោះហៅឲ្យទៅចូលរួមការប្រកួត Tour Audi Cup នៅប្រទេសចិន និងសឹង្ហបូរី ខ្សែបម្រើប្រយុទ្ធ Arjen Rubben មានការសោកស្តាយយ៉ាងខ្លាំង ដោយមិនបានចូលរួមក្នុងការប្រកួតនេះ។

Arjen Rubben ពិតជាសោកស្តាយណាស់ ដែលរូបគេមិនអាចជួយក្រុម ក្នុងដំណើរ ទៅប្រកួតមិត្តភាពអន្តរជាតិ នៅតំបន់អាស៊ី។ ការខកខាននេះ មិនមែនមកពី Rubben មិនស្ថិតក្នុងបញ្ជីកោះហៅរបស់ក្រុម Bayern Munich នោះទេ ព្រោះថា Rubben ក៍មានឈ្មោះក្នុងបញ្ជីនេះដែរ ក៍ប៉ុន្តែ Rubben បានបង្កើតនូវកំហុសដោយខ្លួនឯង​ តាមរយៈការរងរបួស ក្នុងអំឡុង ការលេងតេនីស នៅពេលដែលរូបគេវិស្សមកាលកន្លងមក។ តាមពត៌មានរបស់ក្រុម Bayern Munich បានបង្ហាញឲ្យដឹងថា Rubben បានរងរបួសកំភួនជើងស្តាំ នៅពេលលេងតេនីស កាលពីថ្ងៃអាទិត្យមុននេះ ដែលធ្វើឲ្យរូបគេ មិនអាចចូលរួមជាមួយក្លិបបានឡើយ។

យ៉ាងណាក៍ដោយ បើទោះបីជាមិនមាន វត្តមានរបស់ Arjen Rubben ក៍ដោយ តែក្រុម Bayern Munich នៅមានខ្សែបម្រើប្រយុទ្ធចំណូលថ្មី James Rodriguez លេងជំនួសផងដែរ។ ដូច្នេះហើយ ក្រុម Bayern Munich ជឿជាក់ថា Arjen Rubben នឹងជាពីរបួស ក្នុងពេលឆាប់ៗនេះ ដើម្បីមកជួយក្រុមនៅក្នុងរដូវកាលថ្មីខាងមុខនេះ។