អ្នកចាត់ការទូទៅរបស់ក្រុមបីសាចក្រហម Manchester United លោក Jose Mourinho បានប្រាប់ ESPN ថា លោកចង់ដឹកនាំក្រុម ក្នុងរយៈពេល ១៥ឆ្នាំបន្តទៀត ដើម្បីកសាងឡើងវិញនូវសមិទ្ធផល របស់អតីតគ្រូបង្វឹក ដ៍ឆ្នើម Sir Alex Ferguson ។

ក្រោយពីការបញ្ចប់អាជីព របស់លោក Sir Alex Ferguson រួចមក ក្រុមបីសាចក្រហម Manchester United ធ្លាក់កូដយ៉ាងខ្លាំង​ ក្នុងប្រវត្តិសាស្ត្រក្លិប។ យ៉ាងណាវិញ លោក Jose Mourinho ដែលជាគ្រូបង្វឹកទើបដឹកនាំបាន ១រដូវកាល បាននិយាយថា លោកចង់បន្ត ដឹកនាំក្លិប ក្នុងរយៈពេលពេល ១៥ឆ្នាំទៀត ដូចលោក Ferguson ដែរ ព្រោះថា អ្នកចាត់ការរូបនេះចង់ ធ្វើឲ្យ Man Utd វិលទៅរកភាពខ្លាំងដូចដើមវិញ។ ជាការពិតណាស់ ក្នុងការដឹកនាំ ១រដូវកាកកន្លងមក Man Utd បានឈ្នះពាន ២គឺ Community Shield និង Europa League ដែលនេះសបញ្ជាក់នូវសមិទ្ធផល លើកដំបូងក្រោមការដឹកនាំរបស់លោក Jose Mourinho ។

ម្យ៉ាងវិញទៀត តាមរយៈការទិញកីឡាករថ្មី ជាច្រើនរូបដែលពោរពេញទៅដោយ សមត្ថភាព Man Utd អាចនឹងមានការប្រែប្រួលច្រើន ជាងរដូវកាលមុន។ ក្នុងនោះដែរ លោក Jose Mourinho បាននិយាយថា ការធ្វើឲ្យ Man Utd វិលទៅរកធាតុដើម ដូចកាលជំនាន់លោក Sir Alex Ferguson គឺមិនងាយស្រួលឡើយ។ លោកបានបន្ថែមទៀតថា ប្រសិនបើចង់ឲ្យ Man Utd ដូចដើមវិញនោះ លោកត្រូវការរយៈពេល ១៥ឆ្នាំឆ្នាំទៅមុខទៀត ព្រោះថា នៅពេលថ្មីៗ Man Utd ខ្លាំង ក៍ក្រុមមួយចំនួន ហាក់មិនខ្លាចដូចមុនឡើយ។

ដូច្នេះហើយ ពេលវេលាគឺសំខាន់ខ្លាំងណាស់ ដើម្បីស្ថាបនាក្លិបឡើងវិញ ស្របទៅតាមសមត្ថភាពរបស់អ្នកចាត់ការក្លិប។ លោក Mourinho បាននិយាយនៅក្នុងសម្តីចុងក្រោយរបស់លោកថា មិនដល់ ១៥ឆ្នាំទេ​ ប្រសិនបើលោកដឹកនាំ នោះ Man Utd នឹងវិលទៅរកអតីតកាល ដ៍ខ្លាំងក្លាដូចជំនាន់លោក Sir Alex Ferguson វិញ។