អាមេរិក: តុលាការកំពូលអាមេរិក បានបដិសេធមិនពង្រីកវិសាលភាព នៃបទបម្រាមហាមប្រាមការធ្វើដំណើររបស់លោកប្រធានាធិបតី ដូណាល់ ត្រាំ ដោយបានធ្វើការលើកលែង សម្រាប់ជីដូនជីតារបស់ពលរដ្ឋខ្លួន ដែលមកពីប្រទេសមូស្លីមចំនួន៦ ឲ្យមានសិទ្ធធ្វើដំណើរចូលមកកាន់ ទឹកដីសហរដ្ឋអាមេរិកបាន ។ នេះបើយោងតាមសារព័ត៌មាន Aljazeera ចេញផ្សាយនៅថ្ងៃទី២០ ខែកក្កដា ឆ្នាំ២០១៧។
នៅក្នុងសេចក្តីសម្រេចមួយ កាលពីថ្ងៃពុធ តុលាការកំពូលរបស់ប្រទេស បានបញ្ជាក់ថា បទហាមប្រាមរបស់លោក ត្រាំ ត្រូវតែអនុញ្ញាតឲ្យមានការលើកលែង ចំពោះសមាជិកគ្រួសារពលរអាមេរិក រួមទាំងជីដូនជីតារបស់ពួកគេផងដែរ។
ការសម្រេចចិត្តនេះ បានធ្វើឡើងបន្ទាប់ពីតុលាការរដ្ឋហាវ៉ៃ បានសម្រេចលើកលែងពីការហាមឃាត់ដ៏ចម្រូងចម្រាស ទៅលើជីដូនជីតា និងសាច់ញាតិរបស់ប្រជាពលរដ្ឋខ្លួន ដែលមកពីប្រទេសមូស្លីមទាំង៦។
សូមជំរាបថា បទបម្រាប់របស់លោកប្រធានាធិបតី ត្រាំ បានហាមឃាត់រយ:ពេល ៩០ថ្ងៃ ទៅលើអ្នកដំណើរមូស្លីមមកពីប្រទេសអ៊ីរ៉ង់, យេម៉ែន, សូម៉ាលី, ស៊ូដង់, ស៊ីរី និងយេម៉ែន មិនឲ្យចូលមកក្នុងទឹកដីអាមេរិកទ្បើយ។
ប៉ុន្តែបទបម្រាបនេះ ត្រូវបានលើកលែងផងដែរ សម្រាប់អ្នកដាក់ពាក្យសុំទិដ្ឋាការ ដែលមានទំនាក់ទំនងជិតស្និត ជាមួយសមាជិកគ្រួសារពលអាមេរិក៕
មតិយោបល់