ការប្រកួត International Champion Cup រវាងក្រុមជើងខ្លាំងទាំង២ Manchester United និង Manchester City ពិតជាទទួលបានការចាប់អារម្មណ៍យ៉ាងខ្លាំង​ក្នុងព្រឹត្តិការណ៍នេះ។

ខ្សែប្រយុទ្ធចំណូលថ្មី Lukaku និង ខ្សែប្រយុទ្ធវ័យក្មេង Rashford បានជួយឲ្យក្រុមបីសាចក្រហម យកឈ្នះលើក្រុមរបងជាប់គ្នា Manchester City ២-០។ នេះគឺជាការប្រកួតដ៍សំខាន់ ព្រោះថា ក្រុមទាំង២ ត្រូវការសន្សំពិន្ទុ ដូចគ្នា ដើម្បីឈ្នះពាននេះ។ យ៉ាងណាវិញ Manchester United ធ្វើបានល្អជាង Manchester City តាមរយៈទម្រង់លេងយ៉ាងល្អ ដែលត្រូវបានគេជឿជាក់ថា ក្រុម Man Utd នឹងខ្លាំងជាងមុន ក្នុងរដូវកាលនេះ។ ក្នុងការប្រកួតនេះ ខ្សែប្រយុទ្ធចំណូលថ្មី Romelu Lukaku អាចរកគ្រាប់បាល់ទី២ ហើយក្នុងការបង្ហាញខ្លួនឲ្យបីសាចក្រហម Manchester United ។

Lukaku ធ្វើបានយ៉ាងល្អ ដោយការអូសបាល់ផុតអ្នកចាំទី រួចហើយស៊ុតជើងឆ្វេងបំប៉ោងសំណាញ់ទី នៅនាទីទី ៣៧ ស្របពេលដែល ២នាទីក្រោយមក ពោលនៅនាទីទី ៣៩ ខ្សែប្រយុទ្ធ វ័យក្មេង Marco Rashford ស៊ុតមួយជើងស្តាំយ៉ាងអស្ចារ្យ ក្នុងការរកគ្រាប់បាល់ទី២ ឲ្យ Man Utd ។ លទ្ធផលនេះ បានរក្សារហូតដល់បញ្ចប់ការប្រកួត ៩០នាទីពេញ ដែល Manchester United បានយកឈ្នះ Manchester City ក្នុងលទ្ធផល ២-០។

គួរបញ្ជាក់ផងដែរថា ទម្រង់លេងរបស់បីសាចក្រហម នៅក្នុងថ្ងៃនេះ ពិតជាមានភាពល្អប្រសើរ ដោយត្រូវបានគេមើលឃើញថា Man Utd បានវិលទៅរកអតីតកាលវិញហើយ ដូចទៅនឹងអ្វី ដែលលោក Jose Mourinho បានប្រាប់អ្នកសារពត៌មាន នាពេលកន្លងមក។ យ៉ាងណា នៅមិនទាន់ច្បាស់នៅឡើយទេ ដោយគ្រាន់តែជាការប្រកួតដំបូងប៉ុណ្ណោះ ដោយរង់ចាំមើលការប្រកួតបន្តទៀត របស់ Man Utd ទើបដឹងច្បាស់ថា Man Utd ត្រឡប់មកវិញ ឬយ៉ាងណា?

តោះមកទស្សនា ការប្រកួតរវាងក្រុម Manchester United និងក្រុម Manchester City ក្នុងការប្រកួត ICC ទាំងអស់គ្នា៖

https://www.youtube.com/watch?v=tTyTKbMmTzg