ក្រុមតោខៀវ Chelsea បានចាបផ្តើម បើកការចរចារ នាំយកខ្សែបម្រើកណ្តាលរបស់ក្រុម Leicester City កីឡាករ Danny Drinkwater ហើយ។

ថ្វើបើតំបន់កណ្តាលរបស់ក្រុមតោខៀវ Chelsea មានភាពរឹងមាំ ហើយក៍ដោយ តែក្រុមការពារតំណែងជើងឯកមួយនេះ មិនបណ្តោយឡើយ ព្រោះថា ក្រុមមួយនេះ បានចាប់អារម្មណ៍ កីឡាករ Danny Drinkwater របស់ក្រុម Leicester City ។ បើតាមការចុះផ្សាយរបស់ Express News បានឲ្យដឹងថា ក្រុម Chelsea បានឲ្យតម្លៃខ្លួន ២៧លានផោន ហើយ ខណៈក្រុម Leicester City កាត់ថ្លៃលក់ ៣០លានផោន។

តាមរយៈប្រភពខាងលើនេះ បង្ហាញឲ្យឃើញថា ក្រុម Chelsea បានទទួលជោគជ័យ ៩០% ហើយក្នុងការនាំយកកីឡាករ Drinkwater ព្រោះថា ខុសគ្នាតិចតួចបែបនេះ ក្រុម Chelsea អាចបន្ថែមបាន។ គួរបញ្ជាក់ផងដែរថា ការនាំយក Danny Drinkwater ពីក្រុម Leicester City នេះដែរ ក្រុមតោខៀវ Chelsea មានបំណងយកមកជំនួសតំណែងរបស់កីឡាករ Nemanja Matic ដែលបានចាកចេញទៅកាន់ក្រុម បីសាចក្រហម Manchester United ។

ដូច្នេះហើយ ក្នុងពេលដ៍ខ្លីខាងមុខនេះ កីឡាករ Danny Drinkwater នឹងក្លាយជាកីឡាករចំណូលថ្មីមួយរូបទៀត របស់ក្រុម តោខៀវ Chelsea ។