ខ្សែប្រយុទ្ធវ័យ ២៣ឆ្នាំ ដែលក្រុម Lyon ទើបតែនាំយកពីក្រុម Real Madrid ក្នុងរដូវក្តៅនេះ កីឡាករ Mariano Diaz ស៊ុតបាន ៣គ្រាប់ ក្នុងការបង្ហាញខ្លួន ២ប្រកួត នៅ League1 ដែលត្រូវបានគេមើលឃើញថា កីឡាកររូបនេះ គឺជា Alexandre Lacazette ថ្មីរបស់ក្រុម Lyon ។

ជាការពិតណាស់ Diaz កាលពីយប់មិញនេះ រកបាន១គ្រាប់ បន្ថែមទៀត ឲ្យក្រុម Lyon ក្នុងការយកឈ្នះលើក្រុម Rennes ២-១ ។ ១គ្រាប់នេះ គឺជាគ្រាប់បាល់ទី៣ហើយ បន្ទាប់ពីការប្រកួតបើករដូវកាល កាលពីសប្តាហ៍មុន ខ្សែប្រយុទ្ធវ័យ ២៣ឆ្នាំរូបនេះ រកបាន២គ្រាប់ ក្នុងការប្រកួតជាមួយក្រុម Strasbourg ។ នេះគឺជាការ បង្ហាញខ្លួនយ៉ាងល្អ សម្រាប់ខ្សែប្រយុទ្ធវ័យក្មេងរូបនេះ ក្នុងការមកកាន់ League1 នារដូវកាលនេះ។ គួរបញ្ជាក់ផងដែរថា ក្រុម Lyon បាននាំយកខ្សែប្រយុទ្ធវ័យក្មេង Mariano Diaz ពីក្រុម Real Madrid ក្នុងតម្លៃ ៨លានអឺរ៉ូ ខណៈ Diaz បានចុះកុងត្រា រយៈពេល ៥ឆ្នាំជាមួយជើងខ្លាំង នៅ League1 នេះ។ អតីត Top Scorer របស់យុវជន់ក្រុម Real Madrid រូបនេះ កាន់តែមានប្រជាប្រិយភាពយ៉ាងខ្លាំង ក្នុងការលេងឲ្យក្រុម Lyon ។

ដូច្នេះហើយ Mariano Diaz នឹងធ្វើបានកាន់តែល្អ នៅក្នុងការប្រកួតក្រោយៗទៀត ដែលទំនង ជាខ្សែប្រយុទ្ធវ័យ ២៣ឆ្នាំរូបនេះ អាចប្រជែងបេក្ខភាព Top Scorer នៅ League1 រដូវកាលនេះផងដែរ។