ខ្សែប្រយុទ្ធវ័យ ៣៥ឆ្នាំ Zlatan Ibrahimovic បានចុះកុងត្រាថ្មីជាមួយក្រុម បីសាចក្រហម Manchester United ខណៈរដូវកាលថ្មីនេះ កីឡាករស៊ុយអ៊ែតរូបនេះ នឹងពាក់អាវលេខ ១០វិញ។

ជាការពិតណាស់ ដូចដែលសម្តីដែលខ្សែប្រយុទ្ធឆ្នើម Zlatan Ibrahimovic ធ្លាប់បាននិយាយថា ប្រសិនបើក្រុម Man Utd ឈ្នះពាន Europa League រូបគេនឹងបន្តលេងឲ្យក្រុមនេះទៀត។ ជាក់ស្តែងណាស់ Zlatan បានចុញឲះកុងត្រាថ្មី ស្របពេលរបួសមិនទាន់ជាស្រួលបួល ជាមួយក្រុម Man Utd ១ឆ្នាំទៀត រហូតដល់បញ្ចប់រដូវកាល ២០១៧- ២០១៨ ។ ម្យ៉ាងវិញទៀតនោះ Zlatan Ibrahimovic បានវិលទៅពាក់អាវលេខ ១០ សាជាថ្មីម្តងទៀត ដែលជាលេខសំណាងរបស់កីឡាកររូបនេះ។ ការទទួលបានអាវលេខ ១០នេះ ដោយសារតែ Wayne Rooneyបានចាកចេញទៅ Everton និងអាវលេខ ៩របស់កឡាករស៊ុយអ៊ែតរូបនេះ ត្រូវបំពាក់ឲ្យ Romelu Lukaku ។ យ៉ាងណាវិញ Zlatan នឹងចូលរួមម្តងទៀត សោយរង់ចាំរបួសជាសះស្បើយទាំងស្រុង ក្នុងពេលដ៍ខ្លីខាងមុខនេះ។

សូមបញ្ជាក់ថា Zlatan Ibrahimovic បានបង្ហាញខ្លួនឲ្យ Man Utd កាលពីរដូវកាលមុន ចំនួន ៤៦ ប្រកួតស៊ុតបាន ២៨គ្រាប់។ ដូច្នេះហើយ រង់ចាំមើលថា ការវិលមកកាន់ទីលានជាថ្មី រួមជាមួយនឹងអាវសំណាងលេខ ១០នេះ អាចធ្វើឲ្យខ្សែប្រយុទ្ធវ័យ ៣៥ឆ្នាំរូបនេះទទួលបានជោគជ័យកម្រិតណា។