ខ្សែប្រយុទ្ធអាហ្សង់ទីន Sergio Aguero កំពុងតែមិនច្បាស់ពីអនាគត់របស់រូបគេឡើយ ទាំងនៅក្រុម Manchester City និងក្រុមជម្រើសជាតិអាហ្សង់ទីន។

ជាក់ស្តែងណាស់ ESPN reports បានឲ្យដឹងថា ការព្យាយាមនាំយកខ្សែប្រយុទ្ធឈីលី Alexis Sanchez ពីសំណាក់លោក Pep Guadiola បានធ្វើឲ្យអនាគត់ របស់ Aguero កាន់តែមិនច្បាស់ឡើយ។ ក្នុងនោះដែរ ប្រភពខាងលើនេះ បានឲ្យដឹងបន្ថែមទៀតថា មានតែវិធីមួយគត់សម្រាប់ Aguero គឺចាកចេញពីក្រុម Manchester City ប៉ុណ្ណោះ។ យ៉ាងណាវិញ ក្រឡេកទៅមើលក្រុមជម្រើសជាតិអាហ្សង់ទីនវិញ Sergio Aguero កាន់តែយ៉ាប់ជាងនៅក្រុម Man City ទៀត ព្រោះថាខ្សែប្រយុទ្ធវ័យក្មេង និងល្អៗជាច្រើន កំពុងប្រជែងគ្នាកក់កៅអី ១១នាក់ដំបូង។ ក្រៅពី វត្តមានរបស់ Aguero នៅមានតារាដ៍ឆ្នើម Lionel Messi, កីឡាករវ័យក្មេងកំពុងគើងជើងរបស់ Juventus Paulo Dybala, ខ្សែប្រយុទ្ធមុតស្រួចរបស់ក្រុម Juventus កីឡាករ Gonzalo Higuain និងខ្សែប្រយុទ្ធដែលតែងតែរកគ្រាប់បាល់គ្រប់ការប្រកួតឲ្យក្រុម Inter Milan កីឡាករ Mauro Icardi សុទ្ធសឹងជាគូប្រជែងយ៉ាងសំខាន់។

ដូច្នេះហើយ រង់ចាំមើលថា ខ្សែប្រយុទ្ធដ៍ឆ្នើម Sergio Aguero បន្តក្រាញននៀក នៅ Man City ឬយ៉ាងណា? ខណៈជម្រើសជាតិវិញ គឺកាន់តែតានតឹងសម្រាប់កីឡាករឆ្នើមរូបនេះ។