ខ្សែប្រយុទ្ធអន្តរជាតិអាហ្សង់ទីន Lionel Messi និងក្រុម Barcelona បានត្រៀមខ្លួនរួចហើយ ក្នុងការទៅកាន់ទឹកដី Stamford Bridge ដើម្បីប្រកួតជាមួយក្រុមតោខៀវ Chelsea នាជំនួបវគ្គ ១៦ ក្រុមចុងក្រោយ Champion League ជើងទី ១ នាយប់ថ្ងៃទី ២១ ខែកុម្ភៈ។
យ៉ាងណាវិញ នៅក្នុងការចុះផ្សាយរបស់ កាសែត AS បានឲ្យដឹងថា Lionel Messi មានបំណងចង់ទៅបំបាក់ក្រុមតោខៀវ Chelsea នៅទឹកដី Stamford Bridge នាជើងទី ១ នេះ។ ក៍ប៉ុន្តែ ប្រភពខាងលើដដែលនេះ បានឲ្យដឹងបន្ថែមទៀតថា Lionel Messi ថ្វីបើចង់បំបាក់ Chelsea មែន តែកីឡាករឆ្នើមអាហ្សង់ទីនរូបនេះ នៅមានការភ័យខ្លាច ចំពោះការលេងនៅទឹកដី Chelsea នេះដែរ ព្រោះថា Barcelona កម្រនឹងឈ្នះនៅ Stamford Bridge ណាស់ អាចបានត្រឹមតែស្មើប៉ុណ្ណោះ ពោលគឺធ្លាប់ឈ្នះតែម្តងប៉ុណ្ណោះ ក្នុងចំណោម ៧ប្រកួតនៅ ទីនោះ តែធ្វើបានតាំងពីឆ្នាំ ២០០៦ ម្លេះ។
ម្យ៉ាងវិញទៀតនោះ កាលពីឆ្នាំ ២០១២ កន្លងមកក្រុមតោខៀវ Chelsea បានទម្លាក់ក្រុម FC Barcelona នៅវគ្គពាក់កណ្តាលផ្តាច់ព្រ័ត្រ ដែលនេះគឺជាមេរៀនមួយ សម្រាប់ក្រុម Barcelona ត្រូវសិក្សាឲ្យបានច្បាស់។ សម្រាប់ Messi វិញនៅតែចងចាំមិនភ្លេចឡើយ កាលពីបរាជ័យលើកមុន ថ្វីត្បិតតែមិនខ្លាចញញើត Chelsea តែក៍បារម្ភពីប្រព័ន្ធលេងរបស់ Chelsea ជាពិសេសខ្សែការពារដ៍រឹងមាំ ប្រៀបដូចចតឡានក្រុងនៅមុខទី។
គួរបញ្ជាក់ផងដែរថា ក្រុមទាំង២ ធ្លាប់ជួបគ្នា ១៥លើក ដោយឈ្នះម្នាក់៥លើក និងស្មើ ៥លើកដូចគ្នា។
តោះមកមើលស្ថិតិក្រុមទាំងពីរ ធ្លាប់ជួបគ្នាទាំង ១៥ លើកកន្លងមក៖
-២៧ មេសា ១៩៦៦ ពាន Fairs Cup៖ Barcelona ២-០ Chelsea
-១១ ឧសភា ១៩៦៦ ពាន Fairs Cup៖ Chelsea ២-០ Barcelona
-២៥ ឧសភា ១៩៦៦ ពាន Fairs Cup៖ Barcelona ៥-០ Chelsea
-៥ មេសា ២០០០ ពាន Champion League ៖ Chelsea ៣-១ Barcelona
-១៨ មេសា ២០០០ ពាន Champion League៖ Barcelona ៥-១ Chelsea
-២៣ កុម្ភះ ២០០៥ ពាន Champion League៖ Barcelona ២-១ Chelsea
-៨ មីនា ២០០៥ ពាន Champion League៖ Chelsea ៤-២ Barcelona
-២២ កុម្ភៈ ២០០៦ ពាន Champion League៖ Chelsea ១-២ Barcelona
-៧ មីនា ២០០៦ ពាន Champion League៖ Barcelona ១-១ Chelsea
-១៨ តុលា ២០០៦ ពាន Champion League៖ Chelsea ១-០ Barcelona
-៣១ តុលា ២០០៦ ពាន Champion League៖ Barcelona ២-២ Chelsea
-២៨ មេសា ២០០៩ ពាន Champion League៖ Barcelona ០-០ Chelsea
– ៦ ឧសភា ២០០៩ ពាន Champion League៖ Chelsea ១-១ Barcelona
-១៨ មេសា ២០១២ ពាន Champion League៖ Chelsea ១-០ Barcelona
– ២៤ មេសា ២០១២ ពាន Champion League ៖ Barcelona ២-២ Chelsea
មតិយោបល់