ក្នុងជំនួបសប្ដាហ៍ទី ១៥ នៃពានរង្វាន់លីគកំពូលកម្ពុជារដូវកាល ២០១៧ បានវិលមកវិញបន្ទាប់ពីសម្រាកមួយរយ: ដោយ ក្លិបបាល់ទាត់ក្រសួងការពារជាតិ និងទទួលស្វាគមន៍ ក្លិបបាល់ទាត់ណាហ្គាវើល នាវេលាម៉ោង ៦ ល្ងាច ថ្ងៃសៅរ៍ ទី០៩ ខែកញ្ញា ឆ្នាំ២០១៧ នៅលើវាលស្មៅនៃកីឡដ្ឋានស្តាតចាស់។

គិតត្រឹមសប្តាហ៍ទី ១៥ នេះក្លិបក្រសួងការពារជាតិ កំពុងឈរនៅចំណាត់ថ្នាក់លេខ ២ ដោយបានបង្ហាញខ្លួន ១៤ ប្រកួត ក្នុងនោះឈ្នះ ៨ ដង ស្មើ ៣ ដង និងចាញ់ ៣ដង និងមាន ២៧ ពិន្ទុក្នុងដៃស្មើគ្នាជាមួយ ភ្នំពេញក្រោន ដែលនៅលេខ ៣។ ខណៈដែល ណាហ្គាវើល ស្ថិតនៅចំណាត់ថ្នាក់លេខ ៤ ដោយបានប្រកួតចំនួន ១៤ ដង ក្នុងនោះឈ្នះ ៧ ដង ស្មើរ ៥ ដង និងចាញ់ ២ ដង និងមាន ២៦ ពិន្ទុនៅក្នុងដៃ។

សូមបញ្ជាក់ថា កាលពីថ្ងៃទី១៨ ខែឧសភា ក្រុមទាំងពីធ្លាប់ប៉ះគ្នាម្តង ក្នុងជំនួបជើងទី១ នៃលីគកំពូលកម្ពុជា​ រដូវកាល២០១៧ ដោយលទ្ធផលបានត្រឹមស្មើគ្នា ១ទល់១ ដែលធ្វើឡើងនៅពហុកីឡដ្ឋានជាតិ ជាទឹកដីណាហ្គាវើលបណ្ណោះអាសន្ន៕