ខ្សែការពារ Pepe នឹងចាកចេញពី Real Madrid នៅរដូវក្ដៅខាងមុខនេះ ដើម្បីផ្ទេរទៅលេងនៅក្លឹប Hebei China ក្រោយពីផុតកុងត្រានៅក្លឹបអេស្ប៉ាញនេះទៅ។
វិទ្យុនៅអេស្ប៉ាញបានប្រកាសថា Pepe បានយល់ព្រមចាកចេញពី Bernabeu ហើយក្រោយពីចំណាយពេល៩ឆ្នាំ និងអស់កុងត្រាជាមួយក្លឹប Real Madrid នៅចុងរដូវកាលនេះហើយ។ ដោយការចាកចេញនោះ រូបគេនឹងផ្លាស់ទៅលេងនៅលីគកំពូលរបស់ចិនវិញជាមួយក្លឹប Hebei China Fortune ។ ការផ្លាស់ទៅលេងនោះទៀតសោត ខ្សែការពារសញ្ជាតិព័រទុយហ្គាល់រូបនេះនឹងទទួលបាន ២៤៨ ០០០ផោនក្នុងមួយសប្ដាហ៍ ខណៈដែលការផ្លាស់ទៅនោះមិនទាន់ដឹងថាប៉ុន្មានឆ្នាំនោះទេ។
Pepe មុនផ្លាស់ទៅលេងនៅចិននេះ មានក្លឹបជាច្រើនទាំងនៅអង់គ្លេសនិងអ៊ីតាលីសុទ្ធតែតាមទិញទាំងអស់ ប៉ុន្តែរូបគេមិនព្រមនោះទេ ដោយសំអាងថាមិនទៅលេងក្រុមណាដែលមានឱកាសតទល់ជាមួយក្រុម Real Madrid វិញឡើយ។
Pepe ត្រូវបាន Real Madrid ទិញពី Porto កាលពីឆ្នាំ២០០៧ ក្នុងតម្លៃខ្លួន ២៥លានផោន ហើយក្លាយជាតួអង្គសំខាន់សម្រាប់ក្រុមនេះតែម្ដង។ យ៉ាងណាមិញដោយសារតែវ័យកាន់តែច្រើន ហើយរូបគេលេងមិនសូវល្អទៀតនោះទើបរូបគេមិនត្រូវក្រុមអធិរាជសមិនព្រមបន្តកុងត្រា៕
មតិយោបល់