ក្រុម Nice បានធ្វើរឿងដ៍ភ្ញាក់ផ្អើលមួយ សម្រាប់ League1 របស់បារាំង តាមរយៈការបំបែកសំណាញ់ទី ក្រុមការពារតំណែងជើងឯក Monaco យ៉ាងចាស់ដៃ។

នេះគឺជាការបរាជ័យ យ៉ាងធ្ងន់ធ្ងរបំផុត សម្រាប់ក្រុម Monaco ក្នុងរដូវកាលថ្មីនេះ។ ជាការពិតណាស់ ក្រុមមធ្យម Nice បានបំបាក់ក្រុម Monaco ក្នុងលទ្ធផលយ៉ាងចាស់ដៃ ៤-០ ដោយមិនឲ្យតដៃវិញបានឡើយ។ ៤គ្រាប់របស់ក្រុម Nice រកបានដោយ ខ្សែប្រយុទ្ធស្បែកខ្មៅមុខឌឺ Mario Balotelli ២គ្រាប់ ដែលគ្រាប់ទី១ ធ្វើបានដោយបាល់ ១១ម៉ែត្រ នៅនាទីទី៦ និង ៦០ ខណៈ២គ្រាប់ផ្សេងទៀត រកបានដោយ កីឡាករ Alessane Plea នៅនាទីទី១៨ និងកីឡាករ Ignatius Knepe Ganago នៅនាទីទី៨៥។ ជ័យជម្នះនេះ បានធ្វើឲ្យក្រុម Nice ទទួលបាន ៣ពិន្ទុបន្ថែម ខណៈក្រុម Monaco វិញត្រូវរបូតពិន្ទុ ប្រដេញជាមួយក្រុម Paris Saint Germain រហូតដល់ទៅ ៣ពិន្ទុ ពោល PSG មាន ១៥ ពិន្ទុ ចំណែក Monaco មាន ១២ ពិន្ទុ។

ដូច្នេះហើយ ក្រុមការពារជើងឯក Monaco បានស្គាល់នូវការបរាជ័យលើកដំបូងក្នុងរដូវកាលថ្មីនេះ ដែលជាការបរាជ័យយ៉ាងដំណំសម្រាប់ក្លិបមួយនេះផងដែរ។

តោះ! មកទស្សនាការប្រកួតដែលក្រុម Nice សំពងក្រុម Monaco ៤-០ ខាងក្រោមនេះទាំងអស់គ្នា៖