បន្ទាប់ពីបានមកចូលរួម ជាមួយក្រុម Paris Saint Germain កីឡាករវ័យក្មេងបារាំង Kylian Mbappe មានបំណងចង់ជួយ មិត្តរួមក្រុម Neymar ឲ្យសម្រេចសុបិនដ៍ធំរបស់គេ។

នេះគឺជាការតាំងចិត្តដ៍ធំមួយសម្រាប់ Kylian Mbappe ក្នុងការចូលមកកាន់ក្រុម Paris Saint Germain នាពេលថ្មីៗនេះ។ ជាក់ស្តែងណាស់ ប្រភព Mirror បានឲ្យដឹងថា Mbappe ពិតជាសប្បាយចិត្តខ្លាំងណាស់ ក្នុងការមកលេងរួមក្រុម ជាមួយកំពូលខ្សែប្រយុទ្ធប្រេស៊ីល Neymar ។ ក្នុងនោះដែរ ក្តីបំណង ដែល Mbappe ត្រូវធ្វើនៅពេលនេះនោះ គឺត្រូវធ្វើយ៉ាងណា ចូលរួមជួយ Neymar ឲ្យទទួលបានពានរង្វាន់ Balon D’Or នៅពេលឆាប់ៗនេះ ដែលជាក្តីសុបិនដ៍ធំ របស់កីឡាករប្រេស៊ីលរូបនេះ។ ទាក់ទងទៅហ្នឹងការចង់ជួយ Neymar ឲ្យឈ្នះ Balon D’Or នេះដែរ ត្រូវបានប្រភពពត៌មានជាច្រើន បានចោទសួរទៅកាន់ Mbappe វិញថា៖ ប្រសិនបើចង់ជួយ Neymar ឲ្យឈ្នះ Balon D’Or ចុះ Mbappe មិនចង់ឈ្នះទេឬ?

សំណួរនេះ ត្រូវបាន Mbappe ឆ្លើយភ្លាមៗថា៖ កីឡាករគ្រប់រូបតែងតែមានក្តីស្រម៉ៃចង់ឈ្នះពានរង្វាន់ Balon D’Or ក៍ប៉ុន្តែ មិនមែនមានន័យថា មនុស្សគ្រប់គ្នាអាចឈ្នះវាបានឡើយ។ ចំពោះខ្ញុំ Neymar គឺជាកីឡាករមួយរូបដែលសាកសម ក្នុងការឈ្នះពាននេះណាស់ ចំណែករូបខ្ញុំ​ សមត្ថភាពមិនទាន់ដល់ឡើយ ត្រូវការពេលវេលាបន្ថែមទៀត។ ចំណែក Neymar ប្រាកដជាអាចធ្វើបាន ដូច្នេះហើយ ខ្ញុំនឹងធ្វើគ្រប់បែបយ៉ាង ដើម្បីជួយ Neymar ឲ្យទទួលបាននូវក្តីសុបិនដ៍ធំមួយនេះ។