លោក Carlo Ancelotti បានចុះហត្ថលេខាលើកិច្ចសន្យាមួយជាមួយក្លិបចិនហើយអាចចាកចេញពីក្លឹប Bayern Munich នៅខែមករា នេះបើតាមខ្សែប្រយុទ្ធ Mario Basler របស់អាល្លឺម៉ង់ បានលើកឡើង។

អតីតកីឡាករខ្សែប្រយុទ្ធរបស់ក្រុម Bayern Munich លោក Mario Basler Basler បានបង្ហើបឱ្យដឹងថាគ្រូបង្វឹកសញ្ជាតិអ៊ីតាលីរូបនេះនឹងចាកចេញពីតំណែងរបស់គាត់នៅឯក្លិប Bayern ភ្លាមៗនៅពេលដែលក្របខ័ណ្ឌ Chinese Super League ចាប់ផ្តើមនៅឆ្នាំថ្មី។

លោក Basler បាននិយាយថា: «ខ្ញុំត្រូវបានគេប្រាប់ថា Ancelotti បានចុះហត្ថលេខាជាមួយក្លិបចិន។ “ពីអ្វីដែលខ្ញុំយល់គាត់អាចចាកចេញបានឆាប់ៗនេះ នាខែមករាព្រោះវាជាពេលដែលរដូវកាលប្រទេសចិនចាប់ផ្តើម។ លោកបានបន្ថែមទៀតថា: “ខ្ញុំមិនអាចបញ្ជាក់វាបាន 100 ភាគរយទេប៉ុន្តែប្រភពរបស់ខ្ញុំពិតជាគួរឱ្យទុកចិត្តណាស់” ។

គួរំលឹកផងដែរថា Ancelotti បានស្ថិតក្រោមសម្ពាធយ៉ាងខ្លាំងបន្ទាប់ពីដឹកនាំ Bayern Munich ទទួលរងបរាជ័យដ៏គួរឱ្យភ្ញាក់ផ្អើលក្នុងលទ្ធផល ០-២ នៅលើទឹកដី Hoffenheim កាលពីថ្ងៃសៅរ៍៕